• Latest news

Ինչպիսի՞ ախտանիշներով է հնարավոր ճանաչել կոկորդի քաղցկեղը

22 դեկտեմբերի, 2020  16:23

Կոկորդի քաղցկեղը կոկորդի եւ վզի մի ամբողջ շարք ուռուցքային հիվանդությունների ընդհանուր անվանումն է: Այդ բոլոր հիվանդությունների ախտանիշները տարբերվում են, պնդում են Macmillan Cancer Support բարեգործական կազմակերպության մասնագետները, հայտնում է Express-ը:

Օրինակ՝ վահանաձեւ գեղձի քաղցկեղը կարող է ցույց տալ վզի վրա առաջացած «ուռուցքը», որը չի ցավում, բայց չափը մշտապես մեծանում է: Այն առաջանում է հենց գեղձի մեջ վզի առջեւի հատվածում, խոսքային ապարատից ցածր:

Կերակրափողի քաղցկեղը սովորաբար ցույց է տալիս կլլման դժվարությունը: Մասնագետների խոսքով՝ այս ախտորոշմամբ մարդիկ կարող են այնպիսի զգացողություն ունենալ՝ ասես կերակուրը խցանվում է կոկորդում կամ կրծքում:

Շնչափողի քաղցկեղը, որը սովորաբար հայտնաբերվում է 60-ն անց մարդկանց մոտ, հաճախ դրսեւորվում է հեւոցով, արյունոտ հազով, սուլող շնչառությամբ, խռպոտ ձայնով, կլլման դժվարություններով, սարսուռով եւ կրծքավանդակի հաճախակի ինֆեկցիաներով:

Չնայած այս բոլոր ախտանիշները կարող են վկայել մի շարք այլ խանգարումների մասին, դրանց առաջանալու դեպքում մասնագետները խորհուրդ են տալիս բժշկի դիմել:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ամսական որքա՞ն գումար եք պատրաստ Ձեր եկամուտներից հատկացնել բժշկական ապահովագրության համար
Մինչեւ 10 000 դրամ
Մինչեւ 20 000 դրամ
Մինչեւ 50 000 դրամ
Չեմ պատրաստվում վճարել