• Latest news

Տղամարդիկ եւ COVID-19-ը. հիվանդությունն իսկապե՞ս վտանգավոր է

26 դեկտեմբերի, 2020  22:09

Կորոնավիրուսն իսկապես շատ վտանգավոր է տղամարդկանց համար եւ ռիսկը զգալի չափով բարձր է, քան կանանց մոտ. նոր մետահետազոտությունը հաշվի է առել ավելի քան 3 միլիոն մարդու տվյալները: Գիտական աշխատանքը հրապարակվել է Nature Communications-ում:

Medportal.ru-ը պատմում է, որ դեռեւս համավարակի առաջին ամիսներին գիտնականները ուշադրություն են դարձրել փաստին, որ կորոնավիրուսի ծանր տեսակը ավելի հաճախ է հանդիպում տղամարդկանց շրջանում: Սակայն առկա տվյալները թույլ են տվել հասկանալ, թե տղամարդիկ ավելի հաճախ են մահանում կորոնավիրուսի հետեւանքով, քանի որ նրանք ավելի հաճա՞խ են հիվանդանում կամ ավելի ծանր ընթա՞ցքն ունենում:

Նոր մետահետազոտության համար գիտնականները վերլուծել են 46 երկրից եւ 44 ամերիկյան նահանգներից 90 հաշվետվություն՝ հաշվի առնելով ավելի քան 3 միլիոն պացիենտի մասին տվյալները:

Պարզվել է, որ տղամարդկանց եւ կանանց մոտ SARS-CoV-2-ով վարակվելու ռիսկը նույնն է: Սակայն տղամարդիկ այդ վարակով հայտնվում են ինտենսիվ թերապիայի պալատում 2,84 անգամ ավելի հաճախ, քան կանայք: Իսկ տղամարդկանց շրջանում այդ վիրուսի հետեւանքով մահանալու ռիսկը 1,39 անգամ բարձր է:

Գիտնականները ենթադրում են, որ COVID-19-ի ընթացքի ծանրությունը կապված է տարբեր սեռերի մարդկանց իմունիտետի առանձնահատկությունների հետ: Բացի այդ, կարեւոր դեր կարող են խաղալ ուղեկցող հիվանդությունները: Օրինակ՝ սրտանոթային հիվանդություններն ավելի հաճախ հանդիպում են տղամարդկանց մոտ, հատկապես, եթե նրանք վարում են անառողջ կենսակերպ:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է