• Latest news

Հնարավո՞ր է արդյոք ստամոքսի միջոցով վարակվել կորոնավիրուսով

22 հունվարի, 2021  12:26

Մինչ օրս աշխարհում չի գրանցվել կերակուրի միջոցով կորոնավիրուսով վարակման ոչ մի դեպք: Սենթ Լուիսի Վաշինգտոնյան համալսարանի Բժշկական դպրոցի գիտնականները, սակայն, կարծում են, որ ստամոքսաթթվի նվազումը եւ կերակրափողի բջիջների փոփոխությունը տեսականորեն կարող է այդպիսի ռիսկ ստեղծել:

Սննդամթերքի միջոցով կորոնավիրուսով վարակվելու հավանականությունը բավականին փոքր է, քանի որ ստամոքսաթթուն հեշտությամբ չեզոքացնում է այդ վիրուսը, ինչպես նաեւ շատ ուրիշ վիրուսներ, հայտնում է Medportal.ru-ն:

Գաստրոէզոֆագեալ ռեֆլյուքսային հիվանդության դեպքում, որով տառապում է մեծահասակ մարդկանց մինչեւ 40 տոկոսը, ստամոքսի պարունակությունը պարբերաբար հետ է ընկնում կերակրափողի մեջ՝ առաջացնելով այրոց եւ վնասելով դրա լորձաթաղանթը: Ժամանակի ընթացքում կերակրափողի բջիջները կարող են փոխվել եւ ձեռք բերել աղիների բջիջների որոշ հատկանիշներ, որոնք կարող են կապվել SARS-Cov-2-ի հետ:

Վաշինգտոնյան համալսարանի Բժշկական դպրոցի գիտնականները ենթադրել են, որ Բարետի համախտանիշով (ռեֆլյուքսային հիվանդության ամենածանր բարդություններից մեկն է) պացիենտները տեսականորեն կարող են վարակվել կորոնավիրուսով կերակրափողի հյուսվածքների միջոցով:

Բարետի համախտանիշով պացիենտների ստանդարտ բուժումը նախատեսում է ստամոքսաթթվի արտազատման ճնշում, իսկ դա իր հերթին կարող է նպաստել կերակուրի միջոցով վիրուսի ներթափանցմանը օրգանիզմ:

Այս վարկածը ստուգելու համար մասնագետներն ուսումնասիրել են Բարետի համախտանիշով 30 պացիենտների կերակրափողի հյյուսվածքները: Նրանք բոլոր նմուշներում ռեցեպտորներ են հայտնաբերել, որոնք կարող էին կապվել վիրուսի հետ: Հետազոտության հեղինակները համեմատելու համար այդ հյուսվածքներից, ինչպես նաեւ առողջ մարդկանց բջիջներից ստեղծել են նաեւ կերակրափողի փոքրացված մոդելներ եւ ստուգել դրանց փոխգործակցությունը ախտածինի հետ:

Պարզվել է, որ կորոնավիրուսն իսկապես կարող է կապվել Բարետի համախտանիշով պացիենտների կերակրափողի բջիջների ռեցեպտորների հետ: Որքան հիվանդությունը բարձիթողի վիճակում է (որքան շատ են կերակրափողի բջիջները ձեռք բերում աղիների բջիջների հատկություններ), այնքան վարակվելու հավանականությունը մեծ է:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է