• Latest news

COVID-19 թե ավտոպատահար. ինչի՞ հետեւանքով է ավելի բարձր մահվան ռիսկը 55-64 տարեկան մարդկանց շրջանում

24 հունվարի, 2021  16:35

European Journal of Epidemiology-ում հրապարակված հետազոտության ընթացքում գիտնականները վերլուծել են COVID-19-ից մահացությունը՝ կախված տարիքային ցուցանիշներից: Ինչպես պարզվել է, հիվանդությունն իսկապես շատ վտանգավոր է միջին տարիքի մարդկանց համար. նրանց դեպքում կորոնավիրուսային վարակից մահանալու հավանականությունը 200 անգամ ավելի բարձր է, քան ավտոպատահարից:

Medportal.ru-ի հաղորդմամբ՝ գիտնականները վերլուծել են ավելի քան 1000 գիտական հոդված եւ կառավարական փաստաթուղթ: Վերջնական վերլուծության մեջ ներառվել է 27 հետազոտություն, որոնք անցկացվել են 34 երկրներում:

Ավելի վաղ COVID-19-ի հետեւանքով մահացության մասին հետազոտությունները ցույց են տվել, որ վարակն ամենամեծ վտանգը ներկայացնում է տարեց մարդկանց համար: Սակայն այնուհետեւ պարզվել է, որ նաեւ միջին տարիքի (45-65 տարեկան) մարդիկ նույնպես գտնվում են ավելի բարձր ռիսկի խմբում, քան երիտասարդները:

Վերլուծությունը հաստատել է, որ COVID-19-ից մահանալու ռիսկն աճում է տարիքի հետ: 25 տարեկանում այդ ռիսկը կազմում է 10000 հիվանդի դեպքում 1 պացիենտ՝ ներառյալ առանց ախտանշանների եւ չախտորոշված դեպքերը: 60 տարեկանում այդ ռիսկը կազմում է արդեն 1 դեպք 100-ի շրջանում:

Գիտնականների խոսքով՝ բրիտանական վիճակագրության տվյալները վկայում են, որ 55-64 տարեկան մարդու մոտ կորոնավիրուսային վարակից մահանալու ռիսկը 200 անգամ ավելի բարձր է, քան ավտովթարի հետեւանքով մահվան վտանգը:

«Մեր տվյալները համաձայնեցվում են հիվանդությունների վերահսկման եւ կանխարգելման ամերիկյան կենտրոնների տվյալների հետ: Երկրում COVID-19-ի հետեւանքով մահվան դեպքերի շուրջ 40 տոկոսը 45-75 տարեկան մարդկանց շրջանում է գրանցվել: Համեմատության համար 45 տարեկանից ցածր մարդկանց եւ երեխաների շրջանում այդ թիվը կազմել է 3 տոկոս»,- ասել է հետազոտության հեղինակ, Դորթմունտի համալսարանի պրոֆեսոր Էնդրու Լեւինը:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է