• Latest news

Կորոնավիրուսի հետեւանքով մահվան հավանականությունն անհամամասնորեն մեծ է դիաբետով միջին տարիքի մարդկանց շրջանում. հետազոտություն

9 փետրվարի, 2021  11:16

2-րդ տիպի դիաբետով միջին տարիքի մարդկանց շրջանում COVID-19 կորոնավիրուսային ինֆեկցիայի հետեւանքով մահվան հավանականությունը անհամամասնորեն ավելի մեծ է, քան այլ տարիքի պացիենտների շրջանում: Այսպիսի եզրակացության են հանգել Էքստերի համալսարանի գիտնականները:

Հետազոտության արդյունքները, որոնք հրապարակելու համար ընդունել է Diabetologia ամսագիրը, կարող է մասնագետներին դրդել վերանայելու կորոնավիրուսի դեմ պատվաստվող առաջնահերթ խմբերի հարցը:

Չնայած բացարձակ արտահայտությամբ ներկայիս ռիսկն այնքան էլ մեծ չէ, դիաբետով միջին տարիքի մարդիկ շատ ավելի խոցելի են, քան նույն տարիքի դիաբետ չունեցող մարդիկ, հայտնում է EurekAlert!-ը: Մասնագետները պարզել են, որ 2-րդ տիպի դիաբետով 50-ամյա պացիենտը COVID-19-ի հետեւանքով մահանալու նույնպիսի հնարավորություն ունի, ինչպիսին դիաբետ չունեցող 66 տարեկան մարդը: Այս տարբերությունը, սակայն, տարիքին զուգահեռ կրճատվում է. դիաբետով 70-ամյա մարդու եւ դիաբետ չունեցող 78-ամյայի մահվան հավանականությունը նույնպես հավասար է:

Չնայած Մեծ Բրիտանիայում եւ Գերմանիայում ոչ ինսուլինակախվածությամբ դիաբետով մարդիկ մտնում են պատվաստման առաջնահերթ խմբի մեջ, ուրիշ շատ երկրներում նրանք չեն համարվում մեծ ռիսկի խմբեր: Աշխատանքի հեղինակներն այս մետաբոլիկ հիվանդությամբ մարդկանց խորհուրդ են տալիս հնարավորինս արագ պատվաստվել, երբ այն իրենց հասանելի լինի:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ամսական որքա՞ն եք պատրաստ վճարել բժշկական ապահովագրության համար։
Աշխատավարձի 7-10 տոկոսը
10 000 դրամ եւ ավելի
Մինչեւ 10 000 դրամ
Մինչեւ 5000 դրամ
Ոչ մի դրամ