• Latest news

Մահացության հիմնական պատճառները Հայաստանում

12 օգոստոսի, 2014  17:41

2014 թվականի առաջին կիսամյակում Հայաստանում 14929 մահվան դեպք է գրանցվել: Որո՞նք են մահացության հիմնական պատճառները մեր երկրում: Այս մասին լրագրողներին պատմել է Հայաստանի Ազգային վիճակագրական ծառայության (ԱՎԾ) մարդահամարի և ժողովրդագրության բաժնի պետ Կարինե Կույումջյանը:

Մահացության պատճառների մեջ առաջին տեղն են զբաղեցնում արյան շրջանառության հիվանդությունները, որոնց մեջ գրանցվել է 8.3 տոկոս աճ: Երկրորդ տեղում են մարսողական օրգանների հիվանդությունները, որոնց թիվն էլ է աճել՝ 5.4 տոկոսով: Երրորդ տեղում են շնչառական օրգանների հիվանդությունները՝ նրանց պատճառով մահացած մարդկանց թիվն աճել է 4.8 տոկոսով: Եւ վերջապես, մահացության պատճառներից հաջորդն են նորագոյացությունները, որոնց թվում նույնպես 1.7 տոկոս աճ է գրանցվել:

Հետաքրքիր է, որ դժբախտ պատահարներից, վնասվածքներից, թունավորումներից, վարակիչ եւ մակաբուծային հիվանդություններից մահացության դեպքերի թիվը Հայաստանում, Կարինե Կույումջյանի խոսքով, նվազել է:

Ինչ վերաբերվում է ինքնասպանություններին, գրանցվել է ինքնասպանության եւ ինքնասպանության փորձերի 323 դեպք՝ նախորդ տարվա 377 դեպքի համեմատ: Միայն ինքնասպանությունները կազմել են 85 դեպք՝ նախորդ տարվա 107-ի համեմատ:

Հիշեցնենք, որ 2013 թվական նույն ժամանակամիջոցում գրանցվել էր 14310 մահվան դեպք՝ մոտ 4.3 տոկոսով պակաս: 2012 թվականի նույն ժամանակամիջոցի համեմատ (14960 գրանցված մահ) այս տարի մի փոքր նվազում է գրանցվել:

Հիշեցնենք նաեւ, որ մանկական մահացության դեպքերը Հայաստանում, Կարինե Կույումջյանի խոսքով, նվազել են. 2013 թվականին մինչեւ մեկ տարեկան երեխաների շրջանում գրանցվել էր 185 մահվան դեպք, իսկ 2014 թվականի նույն ժամանակամիջոցում գրանցվել է 176 դեպք:

Հետևեք NEWS.am Medicine-ին Facebook-ում և Twitter-ում


 
  • Կարդացեք նաև
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է