• Latest news

Գիտնականները բացատրել են տուբերկուլյոզի հատկապես վտանգավոր հարուցիչների առաջացումը

10 ապրիլի, 2021  16:14

Bioorganic Chemistry ամսագրում հրապարակված նոր հետազոտության մեջ գիտնականները բացատրել են, թե ինչու է Mycobacterium tuberculosis թոքաբորբային ցուպիկի գոյատեւման բարձր մակարդակը սխալ միջավայրում մարդու օրգանիզմի ներսում: Այս հետազոտության արդյունքները կարող են օգնել ավելի լավ հասկանալ բակտերիաներում ֆերմենտների դերը մարդու իմունային համակարգի եւ դեղամիջոցների դեմ դիմադրության զարգացման գործում:

Հետազոտության հեղինակները ուսումնասիրել են ռուբրեդոքսին B-ի (RubB) բյուրեղային կառուցվածքը եւ ֆունկցիան՝ մետալոպրոտեին (մետաղական ատոմներ պարունակող սպիտակուց), որն ապահովում է ցիտոխրոմ P450-ի՝ բակտերիայի գոյատեւման համար մեկ այլ սպիտակուցի պատշաճ գործունեությունը:

Գիտնականները վարկած ունեն, որ տուբերկուլյոզային ցուպիկները սովորել են ռուբրեդոքսինը փոխել ռեժիմի, որն ապահովում է երկաթի արդյունավետ օգտագործումը դրա դեֆիցիտի պայմաններում, ինչը նկատվում է, երբ թոքերում հատիկներ են (հանգույցներ) գոյանում:

Արդյունքում պարզվել է, որ ռուբրեդոքսին B ն կապված է հեմ-մոնոօքսիգենազների հետ, որոնք կարեւոր են օքսիստերինների նյութափոխանակության համար (դրանք ազդանշանային դեր են խաղում իմունիտետի պահպանման գործում) եւ ընդունողի հակատուբերկուլյոզային դեղամիջոցների հետ: Այլ կերպ ասած, M. tuberculosis-ը քսենոբիոտիկները չեզոքացնելու հատկություն ունի:

Ավելի վաղ իրականացված հետազոտությունները ցույց են տվել, որ RubB-ի կողմից աջակցվող ցիտոխրոմներից մեկը կարող է SQ109-ի՝ տուբերկուլյոզի դեմ խոստումնալից պոտենցիալ դեղամիջոցի դեմ գործել:

Նշենք, որ, ըստ ԱՀԿ-ի, ամեն տարի աշխարհում 10 միլիոն մարդ հիվանդանում է տուբերկուլյոզով, իսկ 1.5 միլիոն մարդ մահանում է դրանից, ինչն այս հիվանդությունը գլխավոր ինֆեկցիոն մարդասպանն է դարձնում աշխարհում:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է