• Latest news

Ինչպես է մարիխուանան ազդում տեսողության վրա

15 ապրիլի, 2021  23:30

Մարիխուանայի կանոնավոր օգտագործումը հանգեցնում է ուշադրության նվազման եւ հիշողության խախտման, վատթարացնում է շարժումների կորդինացիան: Բայց, ինչպես պարզվել է, այս նյութի բացասական ազդեցությունները սրանով չեն սահմանափակվում։ Մարիխուանան ազդում է նաեւ մարդու տեսողության վրա: Այս մասին պատմում է նոր ուսումնասիրությունը, որը հրապարակվել է Scientific Reports-ում:

Medportal.ru-ի փոխանցմամբ՝ նախորդ ուսումնասիրությունները ցույց են տվել, որ մարիխուանան նպաստում է գունային տեսողության խախտմանը, խանգարում է մթության մեջ հարմարվելուն, այն ժամանակի մեծացմանը, որն անհրաժեշտ է պայծառ լույսի ազդեցությունից վերականգնման համար, ստատիկ եւ դինամիկ տեսողական սրության նվազմանը:

Ավելին, մարիխուանայի երկարատեւ օգտագործման դեպքում նկատվում է կոնտրաստային զգայունության նվազում, խախտվում է շարժման ընկալումը եւ կարդալիս վատանում է աչքերի շարժումը:

Մարիխուանան, ինչպես ցույց են տվել ուսումնասիրությունները, ազդում է նաեւ աչքի հյուսվածքների վրա, նպաստում է կոնյուկտիվիտի զգայունության վրա, մեծացնում է արցունքների արտադրությունը եւ հանգեցնում է անոթների լայնացման։

Նոր ուսումնասիրությունը ցույց է տվել, որ մարիխուանայի ազդեցության տակ զգալիորեն վատանում են տեսողական այնպիսի պարամետրեր, ինչպիսիք են տեսողության սրությունը, կոնտրաստային զգայունությունը, ստերեոսկոպիկ տեսողությունը, կենտրոնանալու կարողությունը եւ պայծառ լույսի նկատմամբ զգայունությունը:

Չնայած այն հանգամանքին, որ գիտնականները նկարագրված խախտումները հայտնաբերել են օբյեկտիվ մեթոդներ օգտագործելով, ուսումնասիրության մասնակիցների 30%-ը նշել է, որ մարիխուանայի ազդեցությունից իրենց տեսողությունը բոլորովին չի փոխվել: 65%-ը հայտնել է շատ թեթեւ փոփոխության մասին։

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է