• Latest news

COVID-19-ը եւ մարսողությունը. Ինչ ախտանիշների վրա պետք է ուշադրություն դարձնել

9 մայիսի, 2021  19:33

COVID-19 կորոնավիրուսային վարակը համարվում է շնչառական հիվանդություն, սակայն այն ախտահարում է նաեւ մյուս օրգաններն ու համակարգերը, այդ թվում՝ մարսողական համակարգը:

Կորոնավիրուսից մարսողական համակարգի ախտահարման նշանները տարբեր մարդկանց մոտ կարող են տարբեր լինել, բայց դրանցից մի քանիսը հաճախ են հանդիպում: Ահա այն նշանները, որոնք կարող են վկայել կորոնավիրուսով վարակման մասին:

Լուծ եւ փորացավեր

Հետազոտությունների համաձայն, COVID-19-ով պացիենտներից յուրաքանչյուր 5-րդը ունենում է ստամոքսի խանգարում, որն ուղեկցվում է լուծով կամ փորացավով:

Ախորժակի կորուստ

Չինացի հետազոտողները պնդում են, որ երկրում COVID-19-ով հիվանդների մոտ 80%-ը հայտնել է ախորժակի կորստի մասին:

Սրտխառնոց

Կորոնավիրուսային վարակով պացիենտների գրեթե 10%-ի մոտ սրտխառնոցը (երբեմն նաեւ լուծը) առաջանում է տենդից երկու օր առաջ: Եւ այն կարող է վկայել հիվանդության մասին՝ նույնիսկ նախքան այլ ախտանիշների ի հայտ գալը:

Այս ախտանիշներից որեւէ մեկի առկայության դեպքում, հատկապես եթե դրանք զուգորդվում են բարձր ջերմության, հազի, հոգնածության հետ, խորհուրդ է տրվում դիմել բժշկի եւ կորոնավիրուսի թեստ հանձնել:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Վստահու՞մ եք արդյոք ժողովրդական բժշկությանը։
Այո, գրեթե միշտ ժողովրդական բժշկությանն եմ դիմում։
Որոշ ճիշտ բաներ ժողովրդական բժշկության մեջ երեւի կան։
Ոչ, միայն գիտահեն բժշկությանն եմ վստահում։