• Latest news

Երեք հետճաշյա սովորություններ, որոնք բացասաբար են ազդում առողջության վրա

15 մայիսի, 2021  20:19

Շատերն ունեն հետճաշյա սովորություններ, որոնք հավանական վտանգ են ներկայացնում ընդհանրապես առողջության եւ մասնավորապես մարսողության համար: Ամենատարածվածների թվին են պատկանում հետեւյալները՝

Քուն՝ ուտելուց հետո

Մասնագետները խորհուրդ չեն տալիս կուշտ ճաշից հետո քնել: Բանն այն է, որ պառկած դիրքն ու քունը ինքնին խաթարում են մարսողական գործընթացը եւ բարդացնում սննդի տեղաշարժը մարսողական համակարգով: Բացի այդ, հետճաշյա քունը կարող է հանգեցնել գազերի ու փորկապության առաջացման: Ուստի, նույնիսկ եթե շատ եք ուզում քնել ուտելուց հետո, փորձեք դա չանել:

Թեյ՝ ուտելուց հետո

Մասնագետները խորհուրդ են տալիս նաեւ հրաժարվել ուտելուց հետո թեյ խմելուց: Բանն այն է, որ թեյի բոլոր տեսակները խանգարում են որոշակի սննդանյութերի եւ հանքանյութերի յուրացմանը, իսկ սակավարյունության հակում ունեցող մարդկանց մոտ թեյը կարող է 87%-ով նվազեցնել երկաթի յուրացումը: Բացի այդ, ըմպելիքն ունի pH-ի ցածր մակարդակ, ինչը, ըստ հեղինակի, բացասաբար է ազդում սպիտակուցների ու ճարպերի մարսման գործընթացի վրա:

Սպորտ՝ ուտելուց հետո

Ուտելուց հետո մարզվելը նույնպես վատ գաղափար է: Ինտենսիվ ֆիզիկական ծանրաբեռնվածությունը թույլ չի տա օրգանիզմին ճիշտ աշխատել, ինչը կարող է հանգեցնել այնպիսի խնդիրների, ինչպիսիք են մարսողության խանգարումը, ստամոքսի ցավը, այնուհետեւ՝ մարսողական համակարգի խանգարումը:

 

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է