Հայաստանում 12 000 քաղաքացի արդեն պատվաստվել է կորոնավիրուսի դեմ: Այս մասին «Ազատություն» ռադիոկայանի ֆեյսբուքյան ասուլիսում հայտնեց առողջապահության նախարարի պաշտոնակատար Անահիտ Ավանեսյանը:
Նրա խոսքով՝ այս ցուցանիշը դեռեւս գոհացուցիչ չէ, այդ պատճառով աշխատանքներ են տարվում պատվաստվողների թիվը մեծացնելու համար: Մեկ տարվա ընթացքում, նախարարի պաշտոնակատարի խոսքով, եթե բավական քանակությամբ մարդիկ պատվաստվեն, քովիդին հնարավոր կլինի «հաջողություն ասել»: Իսկ մարդիկ ավելի շատ կսկսեն պատվաստվել, երբ տեսնեն, որ իրենց հարեւանը, բարեկամը պատվաստվել է, որեւէ խնդիր չի ունեցել եւ հանգիստ վերադարձել է բնականոն կյանքին:
Նախարարության կողմից էլ, Անահիտ Ավանեսյանի խոսքով, ամեն ինչ արվում է, որ պատվաստանյութը հասանելի լինի 18 տարեկանից բարձր բոլոր ցանկացողների համար:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր