• Latest news

Կորոնավիրուսը կարող է բացասաբար ազդել տղամարդկանց առողջության վրա. երկու տղամարդու հարկավոր է եղել առնանդամի պրոթեզավորում

19 մայիսի, 2021  23:41

Կորոնավիրուսային վարակը կարող է բացասաբար ազդել տղամարդկանց առողջության վրա. World Journal of Men's Health-ում հրապարակված հոդվածում Մայամիի համալսարանի (ԱՄՆ) վերարտադրողական ուրոլոգիայի մասնագետները պատմել են երկու պացիենտի մասին, որոնք հետազոտությունից 6 եւ 8 ամիս առաջ վարակվել են COVID-19-ով, ինչից հետո ստիպված են եղել առնանդամի պրոթեզավորում կատարել` էրեկցիայի դիսֆունկցիայի պատճառով:

Ըստ գիտնականների՝ նախքան կորոնավիրուսային վարակը պացիենտները նման խնդիրներ չեն ունեցել: Տղամարդկանցից մեկի մոտ վարակի ընթացքը ծանր է եղել, մյուսի մոտ՝ ավելի թեթեւ, սակայն վերջինիս մոտ ի սկզբանե ախտորոշվել է թրոմբոզ եւ հիպերտոնիա:

Մասնագետները հետազոտել են տուժած տղամարդկանց առնանդամի հյուսվածքները: Պարզվել է, որ, չնայած կորոնավիրուսային վարակից բուժվելուց շատ ժամանակ է անցել, առնանդամի հյուսվածքներում գիտնականները հայտնաբերել են վիրուսային մասնիկներ: Բացի այդ, արձանագրվել է էնդոթելիի դիսֆունկցիա` առնանդամի արյան փոքր անոթների ներքին ծածկույթի խանգարում:

Գիտնականներն ասում են, որ այս վնասվածքները առաջացրել են սեռական օրգաններին արյան մատակարարման պակաս եւ, որպես հետեւանք, էրեկցիայի դիսֆունկցիա: Հետաքրքիր է, որ երկու այլ տղամարդկանց մոտ, որոնք նույնպես տառապում են ուժեղ իմպոտենցիայով, սակայն չեն վարակվել COVID-19-ով, առնանդամի հյուսվածքներում նման մազանոթային վնասվածքներ չեն եղել:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է