Ի՞նչ ըմպելիքներ կարող են հանգեցնել արթրիտի սրացման

Որոշ ըմպելիքներ կարող են բացասաբար ազդել արթրիտ ունեցող պացիենտների վրա, հավաստիացնում են Brigham and Women's Hospital-ի (Բոստոն, ԱՄՆ) ռեւմատոլոգիայի, իմունոլոգիայի եւ ալերգիայի բաժանմունքի հետազոտողները։

Ինչպես նշում է Express-ը, 217 մարդու մասնակցությամբ իրականացված հետազոտությունը ցույց է տվել, որ գազավորված ըմպելիքների օգտագործումը պատճառ է դառնում, որ հիվանդության ախտանշանները վատանան։ Իսկ նախորդ հետազոտությունները ցույց են տվել, որ շաքարով ըմպելիքների օգտագործումը կապված է ռեւմատոիդ արթրիտի առաջացման բարձր ռիսկի հետ։

Բացի այդ, մի քանի գիտական հետազոտություններ ցույց են տվել, որ ալկոհոլը կարող է ավելացնել պոդագրայի՝ արթիտի տարատեսակի նոպաների հաճախականությունն ու ծանրությունը, որն առաջ բերում հանկարծակի ուժեղ ցավ հոդերում։ Բժիշկները խորհուրդ են տալիս «ամեն շաբաթ մի քանի օր անցկացնել առանց ալկոհոլի»։  

Մեծ քանակությամբ ալկոհոլի օգտագործումը, մասնագետների խոսքով, «դառնում է մեկնարկային կետ» պոդագրայի նոպայի համար։ Ալկոհոլն ավելացնում է հիվանդության զարգացման ռիսկը նաեւ առողջ օրգանիզմում։ Պոդագրայի բրիտանական ընկերության մասնագետները հավաստիացրել են, որ գարեջրի օգտագործումը կարող է ավելի մեծացնել պոդագրայի զարգացման հավանականությունը գինու կամ այլ ոգելից խմիչքների համեմատությամբ։

Մասնագետների խոսքով՝ ալկոհոլը կարող է բարձրացնել արյան մեջ միզաթթվի մակարդակը։

Հետևեք NEWS.am Medicine-ին Facebook-ում և Twitter-ում