• Latest news

Ի՞նչ մթերքների հետ խորհուրդ չի տրվում համադրել միսը

18 հունիսի, 2021  17:31

Որոշ մթերքների հետ համադրության պարագայում միսն ավելի վատ է յուրացվում եւ անհրաժեշտ օգուտ չի բերում օրգանիզմին, հավաստիացնում է էնդոկրինոլոգ եւ սննդաբան Տատյանա Բոչարովան։

«Միսը եւ կաթնամթերքները չպետք է միասին լինեն կերակուր ընդունելիս։ Բանն այն է, որ պանրի, կաթի, յոգուրտների մեջ պարունակվող կալցիումը վատացնում է երկաթի ներծծումը միջինը 50-60 տոկոսով։ Սա կարեւոր է նկատի ունենալ, երբ խոսքը երեխաների, հղիների, անեմիայով պացիենտների սնվելու մասին է»,- ասել է Տատյանա Բոչարովան ՌԻԱ «Նովոստի»-ի հետ զրույցում։

Միսը եւ թեյը նույնպես լավ համադրություն չեն։ Բանն այն է, որ թեյի մեջ պարունակվող պոլիֆենոլ տանինը նույնպես նվազեցնում է մսից երկաթի յուրացման մակարդակը։ Դրա համար մսի հետ խուրհուրդ է տրվում խմել սովորական ջուր կամ գոնե մեկ բաժակ ցիտրուսային հյութ։

«Բացի այդ, միսն ավելի վատ է մարսվում օսլա պարունակող մթերքների հետ՝ հաց, կարտոֆիլ, եգիպտացորեն, մակարոն,- ասում է Տատյանա Բոչարովան։- Սա թույլատրելի համադրություն է, բայց դրանից պետք է խուսափեն նրանք, ովքեր գիրանալու հակում ունեն։ Ավելորդ քաշ ունեցող պացիենտներն ավելի լավ է միսն օգտագործեն կանաչիների եւ բանջարեղենի հետ»։

Հետևեք NEWS.am Medicine-ին Facebook-ում և Twitter-ում


  • Այս թեմայով
 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է