• Latest news

Ինչպես է ավելի լավ սնվել շոգին

11 հուլիսի, 2021  17:25

Շոգին եղանակին ցանկալի է ավելի շատ մաքուր ջուր խմել, ավելի շատ բանջարեղեն, մրգեր եւ կանաչեղեն ուտել: Այսպիսի կարծիք է «ՌԻԱ Նովոստի»-ի հետ զրույցում հայտնել Մոսկվայի Առողջապահության դեպարտամենտի չափահաս բնակչության առաջնային առողջապահական բժշկասանիտարական օգնության գլխավոր արտահաստիքային մասնագետ Անդրեյ Տյաժելնիկովը:

Նրա խոսքով՝ շատ կարեւոր է վերահսկել օրգանիզմի աղաջրային հավասարակշռությունը, քանի որ շոգին ավելանում է քրտնարտադրությունը, որի հետեւանքով ջրազրկման վտանգը մեծանում է: Դրանից խուսափելու համար հարկավոր է սովորական նորմայից ավելին խմել: Միեւնույն ժամանակ, չափից շատ խմելը նույնպես վնասակար է, քանի որ դա մեծացնում է երիկամների ծանրաբեռնվածությունը:

«Շոգին ավելի լավ է խմել մաքուր ջուր եւ զգուշանալ քաղցր ու գազավորված ըմպելիքներից: Պետք չէ չարաշահել սուրճը, որը նպաստում է հեղուկը հեռացնելուն»,- ասել է մասնագետը:

Նրա խոսքով՝ շոգ եղանակին սպիրտային խմիչքներ օգտագործելը վատ գաղափար է: Բանն այն է, որ ալկոհոլը խախտում է ջերմակարգավորումը եւ ծանրաբեռնում է սրտանոթային համակարգը, ինչը կարող է հանգեցնել լուրջ բարդությունների:

Տյաժելնիկովը նաեւ խորհուրդ է տվել շոգին հրաժարվել ծանր սննդից: Փոխարենը պետք է ուշադրություն դարձնել սառը ուտեստներին՝ ապուրներ, աղցաններ, կաթնամթերքներ:

Հետևեք NEWS.am Medicine-ին Facebook-ում և Twitter-ում


  • Այս թեմայով
 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ամսական որքա՞ն գումար եք պատրաստ Ձեր եկամուտներից հատկացնել բժշկական ապահովագրության համար
Մինչեւ 10 000 դրամ
Մինչեւ 20 000 դրամ
Մինչեւ 50 000 դրամ
Չեմ պատրաստվում վճարել