• Latest news

Գլխուղեղի կաթված. ռիսկի ի՞նչ գործոններ են հայտնի կանանց եւ տղամարդկանց համար

14 հուլիսի, 2021  13:07

Գլխուղեղի կաթվածի հետ ավելի հաճախ առնչվում են 65-ն անց պացիենտները, չնայած վերջին տարիներին հիվանդությունը սկսել է երիտասարդանալ, եւ մասնագետները սկսել են ավելի հաճախ տեսնել 30-45 տարեկան պացիենտների։ Այս մասին լրագրողներին ասել է «Հերացի» թիվ 1 հիվանդանոցային համալիրի նյարդաբանական ծառայության վարիչ Եկատերինա Հովհաննիսյանը։

Նրա խոսքով՝ գլխուղեղի կաթվածին ավելի հաճախ բախվում են տղամարդիկ, իսկ կանանց մոտ այդ հիվանդության առաջացման ռիսկը կարող են բարձրացնել հղիության բարդությունները, համակարգային հիվանդությունները եւ հակաբեղմնավորիչների ընդունումը։

Գոյություն ունեն, սակայն, բոլոր մարդկանց համար ընդհանուր ռիսկի գործոններ, որոնք կարելի է բաժանել երկու խմբի։ Առաջին խմբի ռիսկի գործոնների վրա մարդն ազդելի չի կարող՝ տարիք, սեռ, ժառանգական կամ գենետիկ հակվածություն։

Փոխարենը՝ երկրորդ խմբի ռիսկի գործոնների վրա ազդել կարելի է։ Դրանցից են հիպերտոնիան, խոլեստերինը, ավելորդ քաշը եւ շաքարային դիաբետը։ Եթե վերահսկողության տակ պահվեն զարկերակային ճնշումը, գլյուկոզայի եւ խոլեստերինի մակարդակը, իսկ քաշը՝ նորմայի սահմաններում, դա զգալիորեն կիջեցնի ինսուլտի զարգացման ռիսկը։

Ինչպես նշեց մասնագետը, եթե մարդու կյանքից բացառվեն երկրորդ խմբի ռիսկի նշված գործոնները, կաթվածի առաջացման ռիսկը կնվազի մոտ 90 տոկոսով։ Պատահական չէ, որ կաթվածը, բարձր հիվանդացության, մահացության եւ հաշմանդամության պատճառ հանդիսանալով ամբողջ աշխարհում, իրականում համարվում է ամենահեշտ կանխվողը բոլոր ոչ վարակիչ մահաբեր հիվանդություններից։

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ամսական որքա՞ն եք պատրաստ վճարել բժշկական ապահովագրության համար։
Աշխատավարձի 7-10 տոկոսը
10 000 դրամ եւ ավելի
Մինչեւ 10 000 դրամ
Մինչեւ 5000 դրամ
Ոչ մի դրամ