Խիստ դիետաներն ու սովապահությունը չեն կարող ապահովել անհրաժեշտ արդյունքը երկարաժամկետ հեռանկարում, ինչպես պնդում է դիետոլոգ Ադրիենա Յուդիմը (ԱՄՆ):
Eat This, Not That! պարբերականի հաղորդմամբ՝ մասնագետը պնդում է, որ բոլոր արագ կորցրած կիլոգրամները նույնքան արագ վերականգնվում են, երբ մարդը դադարում է կոշտ սահմանափակումները սննդի մեջ: Ուստի խիստ դիետաներն ամենավատ միջոցն է նիհարելու համար, որը երկարաժամկետ հեռանկարում չի գործում:
Յուդիմի կարծիքով՝ մարդիկ դադարել են լսել իրենք իրենց եւ փորձում են հասնել գոյություն չունեցող իդեալներին: Դիետաներից ոչ իրատեսական ակնկալիքները ստիպում են մարդուն դատապարտել ինքն իրեն «վատ» արդյունքների համար եւ առաջացնում են ամոթի զգացում:
Բարեհաջող նիհարելու համար դիետոլոգը խորհուրդ է տալիս դադարել փորձել տարբեր դիետաները, լսել ինքներդ ձեզ ու սկսել ձեւավորել նոր առողջ սովորություններ, որոնք կարելի է պահպանել ամբողջ կյանքում, ոչ թե կարճ ժամանակի ընթացքում:
Նախ պետք է լցնել սառնարանն ու սառցարանն օգտակար մթերքներով. այդպես շատ ավելի հեշտ կլինի պահպանել առողջ սնվելու սովորությունը:
Յուդինի կարծիքով՝ առողջ սնունդը չի ենթադրում երկար ժամեր ծախսել խոհանոցում ճաշատեսակներ պատրաստելու համար: Նա խորհուրդ է տալիս նախապես պատրաստել մի քանի կոնտեյներ առողջ սնունդով եւ սառեցնել դրանք: Նաեւ կարելի է ընտրել պարզ բաղադրատոմսեր փոքրաթիվ բաղադրիչներով:
Բացի այդ, չպետք է մոռանալ, որ սթրեսն ու քնի պակասը նույնպես հանգեցնում են ավելորդ քաշին, ուստի նիհարելու համար կարելի է բավականաչափ քնել:
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր