• Latest news

Ի՞նչը կարող է հուշել հնարավոր թուլամտության մասին

26 հուլիսի, 2021  19:28

Տարեց մարդկանց մոտ լսողության հետ կապված խնդիրները մատնանշում են  թուլամտության բարձր ռիսկը։ Այս մասին նախազգուշացնում են Օքսֆորդի համալսարաի (Մեծ Բրիտանիա) եւ Համբուրգի համալսարանի (Գերմանիա) գիտնականները։

Ինչպես տեղեկացնում է Science Alert պարբերականը, 60-ից բարձր տարիքի ավելի քան 80 000 մարդկանց մասնակցությամբ հետազոտությունը ցույց է տվել, որ նրանք, որոնց մոտ նկատվել են լսողության հետ կապված խնդիրներ աղմկոտ իրադրությունում, ապագայում դեմենցիայի առաջացման բավական բարձր ռիսկ են ունեցել։ Լսողության վատացումն ինքնին դեմենցիայի ախտանշան չէ, այլ միայն ահազանգում է դրա հնարավորության մասին, ինչը թույլ է տալիս պացիենտներին միջոցներ ձեռնարկել կոգնիտիվ խախտումների կանխարգելման ուղղությամբ։

Մոտավորապես 11 տարի հետո 82 000 մարդուց բաղկացած խմբում 1285 մասնակցի մոտ առաջացել է թուլամտություն։ Վատ լսողությամբ մասնակիցների մոտ դեմենցիայի առաջացման ռիսկը գրեթե կրկնակի բարձր էր, քան նրանց մոտ, ովքեր լավ լսողություն ունեին։ Լսողությունը գնահատում էին սպիտակ աղմուկի ֆոնին բառերը տարբերելու ունակությամբ։

Գիտնականների խոսքով՝ լսողության պաշտպանությունը ականջակալների եւ ականջախցանների օգնությամբ, ինչպես նաեւ լսողական սարքերի օգնությամբ լսողության լավացումը կարող են օգնել նվազեցնելու դեմենցիայի առաջացման ռիսկի պոտենցիալ գործոնը։

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ամսական որքա՞ն եք պատրաստ վճարել բժշկական ապահովագրության համար։
Աշխատավարձի 7-10 տոկոսը
10 000 դրամ եւ ավելի
Մինչեւ 10 000 դրամ
Մինչեւ 5000 դրամ
Ոչ մի դրամ