• Latest news▼

Մինչեւ 2050թ. դեմենցիայով մարդկանց թիվն աշխարհում կեռապատկվի. հետազոտություն

30 հուլիսի, 2021  17:35

Մինչեւ 2050թ. դեմենցիայով մարդկանց թիվն աշխարհում կեռապատկվի։ Այս մասին մասնագետները տեղեկացրել են Ալցհեյմերի հիվանդության դեմ պայքարի ասոցիացիայի վիրտուալ միջազգային գիտաժողովում։

Վաշինգտոնի համալսարանի Բժշկական դպրոցի գիտնականները կարծում են, որ մինչեւ 2050թ. դեմենցիայով պացիենտների թիվը կհասնի 152 միլիոնի։ Ընդ որում՝ հիվանդացության ամենամեծ բաժինը կունենան Աֆրիկան եւ Մերձավոր Արեւելքը։

Գիտնականների խոսքով՝ կրթության հասանելիության բարելավումը կարող է կանխել դեմենցիայի 6,2 մլն դեպք մինչեւ 2050թ.։ Սակայն սպասվող միտումները, որոնք վերաբերում են ծխելուն, մարմնի զանգվածին եւ արյան մեջ շաքարի մակարդակին, կհանգեցնեն հիվանդության լրացուցիչ 6,8 դեպքերի։

«Կենսակերպի բարելավումը զարգացած երկրներում եւ այլ վայրերում, ներառյալ կրթության հասանելիության բարելավումը եւ սրտի առողջության հանդեպ ուշադրությունը, նվազեցրել են հիվանդացությունը վերջին տարիներին, բայց դեմենցիայի դեպքերի ընդհանուր թիվը մեծանում է բնակչության ծերացման հետ կապված։ Բացի այդ, ճարպակալումը, դիաբետը եւ նստակեցությունը ավելի են տարածվում երիտասարդների շրջանում։ Դրանք դեմենցիայի ռիսկի գործոններ են»,- ասել է Ալցհեյմերի հիվանդության դեմ պայքարի ասոցիացիայի առաջատար գիտաշխատող Մարիա Կարիլոն։

Ծերացման ամերիկյան ազգային ինստիտուտի տվյալների համաձայն՝ մինչեւ 2050թ. 65-ից բարձր տարիքի մարդիկ կկազմեն մոլորակի բնակչության 16 տոկոսը։

Հետևեք NEWS.am Medicine-ին Facebook-ում և Twitter-ում

Տպել   |  In English  |  На русском

 
  • Տեսանյութեր

 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է