• Latest news

Ո՞ր մթերքները չի կարելի օգտագործել դատարկ ստամոքսին

3 օգոստոսի, 2021  11:35

Սուրճը, ցիտրուսային հյութերը, քաղցր գազավորված ըմպելիքները եւ կծու համեմունքները չի կարելի օգտագործել դատարկ ստամոքսին: Նման կարծիք է հայտնել սննդաբան, սննդաբանների ազգային ասոցիացիայի անդամ Աննա Բելուուսովան (Ռուսաստան):

Նա հավելել է, որ կոֆեինը ճնշում է ախորժակը, ուստի սուրճն ավելի լավ է խմել նախաճաշից որոշ ժամանակ անց:

Մասնագետը խորհուրդ է տվել նաեւ օրվա սկզբին խուսափել կծու համեմունքներից եւ սոուսներից, քանի որ հակառակ դեպքում մեծանում է գաստրիտների կամ խոցերի առաջացման վտանգը:

«Առավոտյան դա կարող է ինչ -որ բանով՝ մանանեխով, ծովաբողկով կամ սխտորով սոուսով սենդվիչ լինել: Մի կողմից դա թարմեցնում է, օգնում արթնանալ, մյուս կողմից՝ ուղիղ ճանապարհ է դեպի գաստրիտ»,- ասել է Բելոուսովան «Զվեզդա» հեռուստաալիքին տված հարցազրույցում:

Նրա խոսքով՝ դատարկ ստամոքսին վտանգավոր է նաեւ գազավորված ջուր խմելը, հատկապես՝ քաղցր, շատ վնասակար է. դատարկ ստամոքսին գազավորված ըմպելիքների հաճախակի օգտագործումը նույնպես աղեստամոքսային տրակտի հիվանդությունների է հանգեցնում, ինչպիսիք են խոցը եւ գաստրիտը:

Խորհուրդ չի տրվում առավոտյան ցիտրուսային մրգերի հյութեր խմել: Ըստ մասնագետի՝ նման հյութերը պետք է համակցվեն լիարժեք նախաճաշի հետ, հակառակ դեպքում դա աղեստամոքսային տրակտի աշխատանքի խափանումների կհանգեցնի: Ընդ որում, այդ հյութերը պետք է բնական լինեն, ընդգծել է սննդաբանը:

Հետևեք NEWS.am Medicine-ին Facebook-ում և Twitter-ում


  • Այս թեմայով
 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ամսական որքա՞ն գումար եք պատրաստ Ձեր եկամուտներից հատկացնել բժշկական ապահովագրության համար
Մինչեւ 10 000 դրամ
Մինչեւ 20 000 դրամ
Մինչեւ 50 000 դրամ
Չեմ պատրաստվում վճարել