Արդյո՞ք COVID-19-ի ախտանիշները կապված են սեռի եւ տարիքի հետ

Տարբեր մարդկանց մոտ կորոնավիրուսային վարակը կարող է տարբեր կերպ ընթանալ. ոմանց մոտ հիվանդությունը «քողարկվում է» որպես մրսածություն, իսկ ինչ-որ մեկի մոտ այն առաջացնում է հայտնի ախտանիշները, ինչպիսիք են հոտի եւ համի կորուստը: Լոնդոնի թագավորական քոլեջի հետազոտողները ախտանիշների խմբեր են առանձնացրել, որոնք կախված են հիվանդի սեռից եւ տարիքից:

Medportal.ru-ի փոխանցմամբ՝ փորձագետները վերլուծել են հաստատված կորոնավիրուսով 15.000 բրիտանացու տվյալները: Ընդհանուր առմամբ, գիտնականները հայտնաբերել են հիվանդության 18 տարբեր ախտանիշ, այնուհետեւ վերլուծել են, թե որ տարիքային եւ սեռային խմբերում են դրանք առավել հաճախ դրսեւորվում:

Ինչպես պարզվել է, 16-39 տարեկան մասնակիցների շրջանում հոտի կորուստն ամենաընդհանուր վաղ ախտանիշն է: Դրան հաջորդում են կրծքավանդակի ցավը, որովայնի ցավը եւ հեւոցը: 40-59 տարեկան հիվանդների մոտ COVID-19- ը ամենից հաճախ սկսվում է հազով, կրծքավանդակի ցավով և հոտառության խանգարմամբ:

60-79 տարեկան մարդկանց մոտ կորոնավիրուսային վարակի առավել բնորոշ ախտանիշն շատ ավելի հազվադեպ է արտահայտվում, եւ հիմնականում այն ​​իրեն զգացնել է տալիս կրծքավանդակի ցավով, միալգիայով եւ հեւոցով: Միեւնույն ժամանակ, 80 եւ բարձր տարիքի հիվանդները շատ հազվադեպ են նշում հոտառության կորուստը. առավել հաճախ այս տարիքային խմբում հիվանդությունը սկսվում է մկանների ցավից, հեւոցից եւ լուծից:

Երբ հետազոտության հեղինակները վերլուծել են ախտանշանների տարբերությունն ըստ սեռի, պարզվել է, որ կանայք ավելի հաճախ են հոտի եւ համի խանգարում, կրծքավանդակի ցավ եւ մշտական ​​հազ ունենում: Տղամարդիկ ավելի հաճախ հայտնում են հեւոցի, քրոնիկ հոգնածության եւ դողի մասին:

Հետևեք NEWS.am Medicine-ին Facebook-ում և Twitter-ում