• Latest news

Վեգաններ եւ բուսակերներ. Ինչպե՞ս է այսպիսի սնունդն ազդում երեխաների առողջության վրա

24 օգոստոսի, 2021  17:19

Ինչպե՞ս են բուսական սննդի գերակշռությամբ սննդակարգերն ազդում երեխաների առողջության վրա: Այս մասին նոր տվյալները բերվում են American Journal of Clinical Nutrition ամսագրում հրապարակված ուսումնասիրության մեջ:

Բուսական սննդակարգերի արդյունքները լավ են ուսումնասիրված հիմնականում մեծահասակների համար: Հայտնի է, որ բուսակերությունն ու վեգանությունը նվազեցնում են սրտանոթային հիվանդությունների ռիսկը, սակայն մեծացնում են կոտրվածքների հավանականությունը, քանի որ բուսական սննդամթերքը քիչ կալցիում է պարունակում: Սակայն քիչ բան է հայտնի այն մասին, թե երեխաների առողջության վրա ինչ ազդեցություն կունենա սննդակարգում մի ամբողջ խումբ մթերքների բացառումը:

Նոր հետազոտությանը մասնակցել են 5-10 տարեկան 187 առողջ երեխաներ: Նրանցից 60-ը բուսակերներ են եղել, 50-ը՝ վեգաններ, եւս 70-ը՝ հսկվող խումբ են եղել եւ կերել են ամեն տեսակի սնունդ: Նրանք բոլորը նշված սննդակարգերին հետեւել են ավելի քան մեկ տարի:

Հետազոտությունը ցույց է տվել, որ այն երեխաները, ովքեր միայն բուսական սնունդ են կերել, սրտանոթային առողջության զգալիորեն ավելի լավ ցուցանիշներ են ունեցել (մարմնի զանգված, արյան մեջ լիպիդների եւ գլյուկոզայի մակարդակ եւ այլն): Մասնավորապես, վեգանների համար սննդակարգը կապված է եղել արյան մեջ լիպոպրոտերինների («վատ խոլեստերին») 25%-ով ցածր մակարդակի հետ, համեմատած «մսակերների» ցուցանիշների հետ:

Միեւնույն ժամանակ գիտնականների համար անսպաելիորեն բուսակերների սննդակարգին հետեւող երեխաների սրտանոթային առողջության բնութագիրը մոտ է եղել այն երեխաների տվյալներին, ովքեր ամեն տեսակի սնունդ են կերել: Վեգանների համեմատ, նրանց արյան մեջ սոված ժամանակ գլյուկոզայի, ցածր խտության լիպոպրոտեինների եւ տրիգլիցերիդների մակարդակն ավելի բարձր է եղել:

Հետազոտությունը նաեւ ցույց է տվել, որ վեգան երեխաները միջինը 3 սանտիմետրով ավելի կարճ են, քան այլ տեսակի սնունդ ընդունող երեխաները, նրանց մոտ ամենայն հավանականությամբ պակասել է B12 վիտամինը, իսկ ոսկորների հանքանյութերի պարունակությունը 4-6%-ով ցածր է եղել:

Գիտնականների խոսքով՝ բուսական սննդակարգում ավելի քիչ B12 եւ D վիտամիններ կան, ինչպես նաեւ կալցիում, եւ դա կարող է բացատրել երեխաների զարգացման առանձնահատկությունները: Սակայն հետազոտության հեղինակները կարծում են, որ այդ թերությունները կարող են փոխհատուցվել սննդային հավելումների ռացիոնալ օգտագործման միջոցով:

Ըստ գիտնականների՝ ներկայումս անհայտ է, թե արդյոք նկարագրված խնդիրները (վիտամինների պակաս, ոսկրերի հանքանյութի ցածր խտություն եւ կարճ հասակ) կպահպանվեն հասուն տարիքում, եւ արդյոք դրանք ազդեցություն կունենան ապագայում առողջության վրա: Դրա համար անհրաժեշտ է ավելի շատ հետազոտություններ կատարել:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է