• Latest news

Աորտայի մասնահատում. ո՞վ է ռիսկի խմբում

12 սեպտեմբերի, 2021  18:15

Աորտայի մասնահատումը բավականին հազվադեպ, սակայն շատ վտանգավոր հիվանդություն է, որն ավելի հաճախ հանդիպում է 50-60 տարեկան մարդկանց մոտ:

Ո՞ր ախտանշաններով կարելի է կասկածել աորտայի հետ խնդիրները:

Այդ վիճակի նախանշանները նման են նրան, ինչ մարդը զգում է սրտի կաթվածի կամ ինսուլտի ժամանակ՝ դժվարություններ շնչառության հետ եւ հեւոց, ցավ կրծավանդակում, գունատություն, բարձր քրտնարտադրություն, ուշագնաց վիճակ եւ այլն:

Ո՞վ է ռիսկի խմբում:

Համարվում է, որ բարձր զարկերակային ճնշում ունեցող մարդիկ դասվում են բարձր ռիսկի խմբին, քանի որ նրանց վիճակը կարող է ժամանակի հետ թուլացնել աորտայի պատը, իսկ դա մեծացնում է դրա մասնահատման հավանականությունը:

Ռիսկը նաեւ բարձր է մարդկանց մոտ, որոնք մշտապես զբաղվում են ծանր ատլետիկայով կամ ֆիզիկական աշխատանքով, ինչպես նաեւ սրտի հիվանդություններով մարդկանց մոտ:

Բացի այդ, որոշ մարդիկ ծնվում են որոշակի հիվանդություններով, որոնք հանգեցնում են աորտայի պատերի թուլացման: Օրինակ՝ Մարֆանի համախտանիշ եւ Էլերս Դանլոսի համախտանիշ:

Նշենք, որ աորտայի մասնահատումը վտանգավոր հիվանդություն է, որը պահանջում է անհետաձգելի օգնություն. դրա բուժումը հաճախ ներառում է վիրահատություն: Բուժումից հետո որոշ պացիենտների կարող է պահանջվել դեղորայք զարկերակային ճնշումը նվազեցնելու համար, որը նրանք, հավանաբար, պետք է ընդունեն ամբողջ կյանքի ընթացքում:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Վստահու՞մ եք արդյոք ժողովրդական բժշկությանը։
Այո, գրեթե միշտ ժողովրդական բժշկությանն եմ դիմում։
Որոշ ճիշտ բաներ ժողովրդական բժշկության մեջ երեւի կան։
Ոչ, միայն գիտահեն բժշկությանն եմ վստահում։