• Latest news

Կարո՞ղ է արդյոք գրիպի դեմ պատվաստումն օգնել COVID-19-ի դեմ

16 սեպտեմբերի, 2021  13:43

Գրիպի դեմ պատվաստված մարդիկ 47 տոկոսով ավելի քիչ են վարակվել կորոնավիրուսով COVID-19-ի առաջին ալիքի եւ 50 տոկոսով ավելի հազվադեպ՝ երկրորդ ալիքի ժամանակ։ Հետազոտողների այսպիսի անսպասելի եզրակացությունները հրապարակվել են հետազոտությունների վարկածների medRxiv սերվերում։

Ինչպես նշում է ՌԻԱ «Նովոստի»-ն, գիտությանը վաղուց արդեն հայտնի է, որ որոշ պատվաստանյութեր կարող են երկարաժամկետ հեռանկարի համար ուժեղացնել բնածին իմունային պատասխանը այլ պաթոգենների դեմ։ Այդ երեւույթը հայտնի է որպես մարզված իմունիտետ։

Ռադբաուդ համալսարանի Բժշկական կենտրոնի գիտնականները Նիդեռլանդների եւ Գերմանիայի այլ համալսարանների ու գիտական կենտրոնների գործընկերների հետ միասին որոշել են ստուգել՝ ապահովո՞ւմ է արդյոք գրիպի դեմ ամենամյա ներարկումը խաչաձեւ պաշտպանություն COVID-19-ից։

Համավարակի առաջին ալիքի ժամանակ  նրանք հետազոտություն են իրականացրել Նիդեռլանդներում մեկ խոշոր հիվանդանոցի աշխատակիցների շրջանում եւ հայտնաբերել, որ COVID-19-ով հիվանդացությունը շատ ավելի ցածր էր նրանց մեջ, ովքեր ներարկվել էին գրիպի դեմ, նրանց համեմատ, ովքեր այդ ներարկումը չէին ստացել՝ 2,1-ը 3,3 տոկոսի դիմաց։ Քովիդով հիվանդանալու ռիսկը գրիպի դեմ պատվաստվածների մոտ 47 տոկոսով ցածր էր, քան չսրսկվածների մոտ։ Համավարակի երկրորդ ալիքի ժամանակ այդ թվերը կազմում էին 2,0; 3,9 եւ 50 տոկոս համապատասխանաբար, այսինքն՝ COVID-19-ից պաշտպանությունը գրիպի դեմ ներարկվածների մոտ էլ ավելի բարձր էր։

Հեղինակները կարծում են, որ դա կապված է վերը նշված մարզված իմունիտետի էֆեկտի հետ։

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Վստահու՞մ եք արդյոք ժողովրդական բժշկությանը։
Այո, գրեթե միշտ ժողովրդական բժշկությանն եմ դիմում։
Որոշ ճիշտ բաներ ժողովրդական բժշկության մեջ երեւի կան։
Ոչ, միայն գիտահեն բժշկությանն եմ վստահում։