• Latest news

Թեյի մեջ բազմաթիվ պոտենցիալ վտանգավոր միացություններ են հայտնաբերել

17 սեպտեմբերի, 2021  11:40

Թրմած թեյի մեջ 60 հայտնի ենթամթերքների մակարդակը զգալիորեն ցածր է, քան ծորակի սկզբնական ջրի մեջ: Սակայն թեյի մեջ կա մոտ 500 միացություն, որոնք կարող են արձագանքել քլորին եւ հանգեցնել նոր, դեռ անհայտ եւ, հնարավոր է, վնասակար կողմնակի մթերքների ձեւավորմանը: Այս մասին ասվում է Environmental Science & Technology ամսագրում հրապարակված հետազոտության մեջ:

Ըստ «ՌԻԱ Նովոստի»-ի, երբ եռացրած ծորակի ջուրը օգտագործվում է թեյ պատրաստելու համար, այն ախտահանելու համար օգտագործվող մնացորդային քլորը կարող է արձագանքել թեյի միացություններին՝ առաջացնելով, այսպես կոչված, ախտահանման կողմնակի մթերքներ (ԱԿՄ), որոնցից շատերը զգալի կոնցենտրացիաներով վտանգավոր են առողջության համար:

Հարավային Կառոլինայի համալսարանի ամերիկացի հետազոտողները, Տյանցզինի համալսարանի չինացի գործընկերների հետ, չափել են 60 հայտնի ԱԿՄ-ների մակարդակը թեյի երեք հայտնի ապրանքանիշներում՝ կանաչ Twinings, սեւ Earl Grey ու Lipton, եւ անսպասելիորեն պարզել են, որ այդ նյութերի մակարդակը թրմած թեյի մեջ ավելի ցածր է, քան ծորակի ջրում: Հեղինակները դա բացատրում են նրանով, որ միացություններից շատերը թրմելիս գոլորշիացել են կամ կլանվել են թեյի տերեւների կողմից:

Միեւնույն ժամանակ, գիտնականները պատրաստի թեյի մեջ բազմաթիվ անհայտ ԱԿՄ-ներ են հայտնաբերել: Այս նյութերի ազդեցությունը մարդու առողջության վրա ուսումնասիրված չէ, սակայն, ըստ հեղինակների, թեյը պարունակում է մոտ 500 միացություն, ներառյալ պոլիֆենոլներ, ամինաթթուներ, կոֆեին եւ այլն, որոնք կարող են արձագանքել քլորին՝ առաջացնելով ԱԿՄ: Դրանցից ոմանց առումով նախկինում ապացուցվել է, որ կապված են հղիության եւ ծննդաբերության ժամանակ քաղցկեղի ու բարդությունների առաջացման հետ:

 

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է