• Latest news

Դեպրեսիա հիպոթիրեոզի ժամանակ. նոր տվյալներ

17 սեպտեմբերի, 2021  23:37

Դեպրեսիայի եւ հիպոթիրեոզի միջեւ կապն այնքան ուժգին չէ, ինչպես համարվում էր նախկինում: Այդ մասին վկայում են նոր հետազոտության տվյալները, որը հրապարակվել է JAMA Psychiatry պարբերականում:

Medportal.ru-ի հաղորդմամբ՝ վահանաձեւ գեղձի ցածր ֆունկցիայի (հիպոթիրեոզի) ախտանշաններն ու դեպրեսիան մասամբ հատվում են: Դեռեւս ամբողջովին հայտնի չէ՝ որքանով են իրականում կապված այդ երկու վիճակները, իսկ հետազոտությունները հակասական արդյունք են գրանցել:

Գերմանացի գիտնականները որոշել են ստուգել՝ ինչպես է կապված վահանաձեւ գեղձի ֆունկցիան դեպրեսիայի հետ՝ հաշվի առնելով նախորդ աշխատությունների թերությունները: Նրանք անցկացրել են 25 հետազոտության մետավերլուծություն, որոնք ներառել են ընդհանուր առմամբ 350 000 մարդու: Այդ վիճակների միջեւ կապը պարզվել է բավականին «համեստ» էր:

Հիպոթիրեոզի դեպքում դեպրեսիայի ռիսկը, նոր տվյալների համաձայն, միջինից 30 տոկոսով բարձր էր: Ամենաբարձր ռիսկը գրանցվել է վահանաձեւ գեղձի հորմոնների արտահայտված պակասի դեպքում (70 տոկոսով բարձր): Ենթակլինիկական ընթացքի դեպքում (չկան վառ դրսեւորումներ) այն մեծ էր 13 տոկոսով: Այդ կապն ակնհայտ էր կանանց շրջանում, սակայն գրեթե չէր ուրվագծվում տղամարդկանց մոտ: Աուտոիմունային գործընթացների եւ դեպրեսիայի ռիսկի միջեւ կապը, նոր հետազոտության համաձայն, թույլ է:

Հետազոտության հեղինակների խոսքով՝ հիպոթիրեոդիմի դեպքում դեպրեսիայի ռիսկը, ըստ ամենայնի, զգալիորեն ցածր է, քան համարվում էր նախկինում: Հավանաբար, այդ կապն առավելապես դրսեւորվել է կանանց շրջանում, որոնց մոտ եղել է հիպոթիրեոզի ծանր ընթացք:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է