• Latest news

Հայտնի հակաբիոտիկը կարող է բարձրացնել վաղաժամ ծննդաբերությունների ռիսկը

22 սեպտեմբերի, 2021  22:34

Լայնորեն հայտնի եւ տարածված հակաբիոտիկի օգտագործումը կարող է հանգեցնել ծնվելիս երեխաների քաշի նվազման եւ վաղաժամ ծննդաբերությունների ռիսկի բարձրացման, եթե այն ընդունվել է հղիության ժամանակ։ Այս մասին տեղեկացվում է ամփոփ հետազոտության մեջ այն երկրներում, որտեղ մալարիան կրում է էնդեմիկ բնույթ։ Աշխատանքի արդյունքները ներկայացվել են The Lancet EClinicalMedicine ամսագրում։

Գիտնականներն ուսումնասիրել են 14 հետազոտություն, որոնք իրականացվել են Աֆրիկայի եւ Ասիայի երկրներում, 17 500 մարդու մասնակցությամբ։ Գնահատվել է ազիտրոմիցինի ազդեցությունը, որը լայնորեն օգտագործվում է կրծքավանդակի եւ ականջի վարակների բուժման համար։

Հղիության ժամանակ  այն անցյալում օգտագործվել է սեռավարակների բուժման համար եւ, հակադողէրոցքային այլ դեղամիջոցների կողքին, կիրառվել է մոր եւ պտղի վրա անբարենպաստ հետեւանքների կանխման համար։

Հետազոտության հեղինակներից մեկը՝ բժիշկ Մեյվ Հյում Նիքսոնը, հայտարարել է, որ պարզ չէ, թե բարելավում է արդյոք ազիտրոմիցինը նեոնատալ եւ պերինատալ ելքերն այն երկրներում, որտեղ չկան խնդիրներ դողէրոցքի հետ կապված, բայց պոտենցիալ վնասը պահանջում է հետագա ուսումնասիրություն։

«Այս ամփոփ հետազոտությունը ցույց է տվել, որ գոյություն ունի անորոշություն նեոնատալ մահացության, հոսպիտալացման եւ վարակների, ինչպես նաեւ պոտենցիալ վնասի առումով նման միջամտության պոտենցիալ առավելությունների հարցում։ Անհրաժեշտ են լրացուցիչ հետազոտություններ»,- ընդգծել է նա։

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է