Ասթման չի բարդացնում COVID-19-ի ընթացքը մինչեւ 21 տարեկան հիվանդների մոտ, ինչպես պարզել են ամերիկացի գիտնականները:
Medportal.ru-ի փոխանցմամբ՝ համաճարակի սկզբում ասթմայով տառապող մարդիկ ընդգրկված էին COVID-19-ի ռիսկի խմբում, սակայն հետագայում պարզվեց, որ այս հիվանդությունը չի մեծացնում ծանրության եւ մահացության վտանգը:
Մինչ այժմ ասթմայով տառապող հիվանդների մոտ COVID-19-ի դեպքերի վերաբերյալ դիտարկումները հիմնականում իրականացվել են չափահաս հիվանդների շրջանում: Փիթսբուրգի մանկական հիվանդանոցի մասնագետներն առաջիններից էին, ովքեր հավաքեցին տվյալներ մինչեւ 21 տարեկան հիվանդների մոտ ընթացքի ծանրության եւ կլինիկական արդյունքների վերաբերյալ:
Ուսումնասիրությունը ցույց է տվել, որ ասթմայով տառապող հիվանդները գրեթե 4 անգամ ավելի հաճախ են հոսպիտալացվել COVID-19-ով, քան հիվանդություն չունեցող երեխաները: Բացի այդ, նրանց մոտ ավելի հավանական են եղել ախտանիշներ, ինչպիսիք են՝ ջերմությունը, հոգնածությունը, հեւռոցը, կրծքավանդակի ցավը եւ փսխումը:
Ուսումնասիրությունները նաեւ պարզել են, որ կորոնավիրուսը չի սրում ասթման։
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր