• Latest news

Ի՞նչ հիվանդություններ կարող են մատնանշել սառը ձեռքերը

20 հոկտեմբերի, 2021  20:48

Սառը ձեռքերը կարող են վկայել առողջության հետ կապված խնդիրների մասին, հավաստիացնում է երակաբան եւ անոթային վիրաբույժ Քյարամ Ազատյանը։

Ինչպես տեղեկացնում է «Հինգերորդ ալիքը», եթե մարդուն անհանգստացնում են սառը ձեռքերը, պետք է պարզել, թե որն է այդ խնդրի պատճառը։ Մասնագետի խոսքով՝ որոշ դեպքերում սառը ձեռքերը ֆիզիոլոգիական նորմ եմ, օրինակ՝ տարվա սառը եղանակին կամ օդի ցածր ջերմաստիճանի դեպքում։

«Բայց եթե ձեռքերը սառն են անկախ տարվա եղանակից եւ սենյակի ջերմաստիճանից, ապա դա կարող է վկայել առողջական որոշ խնդիրների մասին»,- նշել է բժիշկը։

Նրա խոսքով՝ սառը ձեռքերը կարող են  լինել այնպիսի լուրջ հիվանդությունների նշան, ինչպիսին են աթերոսկլերոզը եւ շաքարային դիաբետը։ Բացի դրանից, այդ ախտանշանը կարող է վկայել վահանաձեւ գեղձի հիվանդությունների եւ այլ հորմոնալ խախտումների մասին։ Սառը ձեռքեր կարող են նկատվել նաեւ Ռեյնոյի հիվանդության ժամանակ, երբ խախտվում է ձեռնաթաթերի եւ ոտնաթաթերի արյան մատակարարումը։ Այսպիսի խնդրի կարող են բախվել ծխող մարդիկ եւ ցածր զարկերակային ճնշում ունեցող պացիենտները։

«Պատճառները կարող են բավական շատ լինել, եւ նման խնդիր ունեցող մարդուն օգնելու համար մենք խորհուրդ ենք տալիս առաջին հերթին հրաժարվել վնասակար սովորություններից, կյանքին ավելացնել ֆիզիկական ակտիվությունը եւ սպորտը, լսել բժիշկների խորհուրդները, կանոնավորապես ստուգել զարկերակային ճնշման եւ խոլեստերինի մակարդակը»,- ասել է մասնագետը։

Հետևեք NEWS.am Medicine-ին Facebook-ում և Twitter-ում


  • Այս թեմայով
 
  • Տեսանյութեր
 
 
  • Իրադարձությունների օրացույց
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ամսական որքա՞ն եք պատրաստ վճարել բժշկական ապահովագրության համար։
Աշխատավարձի 7-10 տոկոսը
10 000 դրամ եւ ավելի
Մինչեւ 10 000 դրամ
Մինչեւ 5000 դրամ
Ոչ մի դրամ