• Latest news

Ռուս հայտնի էնդոսկոպիստը՝ «Էրեբունի» ԲԿ-ում (վիդեո)

25 նոյեմբերի, 2021  18:38

Ռուս հայտնի էնդոսկոպիստ Եվգենի Սոլոնիցինն այցելել է «Էրեբունի» ԲԿ: Նա ղեկավարում է Սանկտ Պետերբուրգի Ալմազովի անվան Ազգային բժշկական հետազոտական կենտրոնի էնդոսկոպիկ ծառայությունը:

«Էրեբունի» ԲԿ վիրաբուժական էնդոսկոպիայի ծառայության ղեկավար Արման Պետրոսյանի հետ Եվգենի Սոլոնիցինը կատարել է հիվանդների խորհրդատվություններ և հետազոտություններ՝ նորագույն սարքավորմամբ՝ ուլտրաձայնային էնդոսկոպիկ համակարգով:

«Էրեբունի» բժշկական կենտրոնի Վիրաբուժական էնդոսկոպիայի բաժանմունքը նորագույն սարքավորմամբ համալրվել է վերջերս: Սարքը հնարավորություն է էնդոսկոպիկ հետազոտությունը համակցել ուլտրաձայնային ախտորոշման հետ՝ ստանալով գերճշգրիտ պատկեր՝ նվազագույն ինվազիվ միջամտությամբ:

Ախտորոշման ժամանակակից մեթոդը կիրառվում է ենթաստամոքսային գեղձի, լյարդի, լեղածորանների ախտահարումների և ուռուցքային հիվանդությունների ախտորոշման համար: Գլխավոր առավելություններից մեկը՝ անհրաժեշտության դեպքում, հենց հետազոտության ընթացքում ուռուցքից բիոպսիայի ստացումն է՝ հետագա հիստոլոգիական քննության համար:

Կարևոր այս միջամտությունը Արման Պետրոսյանը և Եվգենի Սոլոնիցինը կատարել են ենթաստամոքսային գեղձի ուռուցքով հիվանդների ախտորոշման ընթացքում: Բացի այդ Եվգենի Սոլոնիցինը մաստեր կլաս է անցկացրել՝ գործընկերներին ներկայացնելով բժշկության այս ճյուղի արդի հնարավորությունները և նորարարությունները:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Վստահու՞մ եք արդյոք ժողովրդական բժշկությանը։
Այո, գրեթե միշտ ժողովրդական բժշկությանն եմ դիմում։
Որոշ ճիշտ բաներ ժողովրդական բժշկության մեջ երեւի կան։
Ոչ, միայն գիտահեն բժշկությանն եմ վստահում։