• Latest news

Վեյփինգը կարող է գենային մակարդակով խախտել թոքերի աշխատանքը․ հետազոտություն

26 նոյեմբերի, 2021  13:42

Էլեկտրոնային ծխախոտը խաթարում է բնածին իմունիտետի եւ բորբոքման համար պատասխանատու գեները, ինչպես նաեւ լրջորեն ազդում է թոքերի բջիջներում միտոքոնդրիաների աշխատանքի վրա: Այս եզրակացությանն են եկել ամերիկացի գիտնականները, ովքեր նոր հետազոտություն են հրապարակել Nature ամսագրում։

Ըստ Medportal.ru-ի՝ վեյփինգը հաճախ համարվում է ծխելու ավելի անվտանգ այլընտրանք: Այնուամենայնիվ, ԱՀԿ-ն այն վտանգավոր է համարում հատկապես երեխաների եւ դեռահասների համար։

Ներկայումս տարբեր երկրներում օրինական եւ բժշկական վերաբերմունքը վեյփինգի նկատմամբ տարբեր է: Մեծ Բրիտանիան, օրինակ, պաշտոնապես էլեկտրոնային ծխախոտը համարում է 95%-ով ավելի քիչ վնասակար, քան սովորական ծխախոտը: Իսկ Միացյալ Նահանգների որոշ նահանգներում վեյփերի վաճառքն ընդհանրապես արգելված է։ 

Նոր հետազոտությունը ցույց է տվել, որ վեյփինգը նույնքան վնասակար է առանձին համակարգերի եւ օրգանների համար, որքան սովորական ծխախոտը: Գիտնականները վերլուծել են թոքերի բջիջները ծխողների (ինչպես սովորական, այնպես էլ էլեկտրոնային) եւ չծխողների մոտ: Պարզվել է, որ ծխողների մոտ խախտվել է միտոքոնդրիաների աշխատանքի համար պատասխանատու գեների աշխատանքը՝ հատուկ օրգանելներ, որոնք պատասխանատու են բջիջներում էներգիայի հավասարակշռության համար։

․Գիտնականները հայտնաբերել են նաեւ վնասվածքներ ԴՆԹ-ի այն հատվածներում, որոնք պատասխանատու են բնածին իմունիտետի եւ բորբոքային պրոցեսների հետ կապված մոլեկուլների արտադրության համար: Այս դեպքում գենային խանգարումները կապված են եղել ծխելու տեւողության հետ։

«Մենք պարզեցինք, որ վեյփինգի գենային խանգարումների ավելի քան 80%-ը կապված է ծխելու ինտենսիվության եւ տեւողության հետ»,-ասել է հետազոտության հեղինակներից մեկը՝ պրոֆեսոր Ահմադ Բեսարատինիան:   

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է