• Latest news

Մարդու ափերից կարելի է հիպերգլիկեմիա եւ շաքարախտ կասկածել․ մասնագետ

5 դեկտեմբերի, 2021  18:01

Ափի հաստացած եւ կոպիտ մաշկը կարող է վկայել արյան մեջ շաքարի վտանգավոր բարձր մակարդակի (հիպերգլիկեմիայի) եւ հնարավոր շաքարախտի մասին: Նման կարծիք է հայտնել էնդոկրինոլոգ Ելենա Սյուրաշկինան (Ռուսաստան)։

Շաքարախտով շատ հիվանդների մոտ զարգանում է նեւրոպաթիա՝ նյարդերի ախտահարում, որը տեղի է ունենում արյան վատ շրջանառության պատճառով: Այս դիաբետիկ նեւրոպաթիայի որոշ նշաններ կարելի է տեսնել ձեռքերում, մասնավորապես՝ ափերում:

Մասնավորապես, հիպերգլիկեմիան կարող է ձեռքերը ավելի քիչ շարժունակ դարձնել եւ խաթարել մատների մանր շարժունակությունը:

«Սկզբում թմրություն կամ ծակծկոց է առաջանում, հետո՝ կաշկանդվածություն»,- ասել է Սյուրաշկինան Հինգերորդ ալիքին:

Նա ասել է, որ առաջացած կաշկանդվածության պատճառով շաքարախտով հիվանդ մարդը երբեմն չի կարողանում ամբողջությամբ բացել ափերը:

«Որպեսզի ստուգեք, թե կա արդյոք շաքարախտ, պետք է միացնել ափերը եւ փորձել միացնել մատները: Եթե դրանք չեն դիպչում իրար, դա կարող է վկայել արյան մեջ շաքարի մակարդակի բարձրացման մասին»,- ասել է մասնագետը։

Շաքարախտի դեպքում նաեւ ափի մաշկի վիճակը կարող է փոխվել՝ այն դառնում է կոշտ, կոպիտ, ավելի հաստ, եւ մոմե տեսք է ունենում: Նաեւ մատների բարձիկները կարող են կոշտանալ, կարծես քարացած լինեն։

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ամսական որքա՞ն գումար եք պատրաստ Ձեր եկամուտներից հատկացնել բժշկական ապահովագրության համար
Մինչեւ 10 000 դրամ
Մինչեւ 20 000 դրամ
Մինչեւ 50 000 դրամ
Չեմ պատրաստվում վճարել