• Latest news

Պատվաստված եւ օմիկրոն շտամով վարակված մարդկանց մոտ հիվանդության ծանր դեպքեր չեն արձանագրվել. Անահիտ Ավանեսյան

6 դեկտեմբերի, 2021  14:03

Այս պահին առկա տեղեկատվության համաձայն, պատվաստված եւ օմիկրոն շտամով վարակված մարդկանց մոտ հիվանդության ծանր դեպքեր չեն գրանցվել, ինչպես նաեւ չի արձանագրվել պատվաստանյութերի արդյունավետության անկում: Այս մասին լրագրողների հետ զրույցում ասաց ՀՀ առողջապահության նախարար Անահիտ Ավանեսյանը:

«Բայց պիտի հասկանանք, որ դեռ հետազոտությունները շարունակվում են, եւ մեկ շաբաթ, 10 օրվա ընթացքում շատ ավելի ամփոփված տեղեկություններ կունենանք», - ասաց նա:

Նախարարի խոսքով, վերջին օրերին COVID-19-ով հիվանդացությունը Հայաստանում նվազում է, սակայն պետք է ամեն ինչ անել՝ նաեւ ապագայում այս գոհացուցիչ ցուցանիշները պահելու համար: Դրա համար ցանկալի է չմոռանալ հակահամաճարակային կանոնների մասին՝ մանավանդ ամանորյա տոների ժամանակ, ինչպես նաեւ պատվաստվել:

Ինչպես նշեց Ավանեսյանը, վերջին մեկ տարվա փորձը ցույց է տվել, որ պատվաստումները իրոք պաշտպանում են եւ անվտանգ են, եւ որեւէ արտառոց դեպք պատվաստման արդյունքում Հայաստանում չի գրանցվել:

Ավանեսյանի խոսքով, Հայաստանում կիրառվող բոլոր պատվաստանյութերը արդյունավետ, անվտանգ եւ որակյալ են, եւ դրանք բավարար շեմ են ապահովում՝ քաղաքացիներին ծանր եւ ծայրահեղ ծանր ընթացքից եւ մահից պաշտպանելու համար:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ամսական որքա՞ն եք պատրաստ վճարել բժշկական ապահովագրության համար։
Աշխատավարձի 7-10 տոկոսը
10 000 դրամ եւ ավելի
Մինչեւ 10 000 դրամ
Մինչեւ 5000 դրամ
Ոչ մի դրամ