• Latest news

Հայաստանում առողջության համապարփակ ապահովագրության համակարգի ներդրումը կարող է զուգակցվել ֆիզիկական անձանց եկամուտների պարտադիր հայտարարագրման համակարգի ներդրման հետ. փորձագետ

18 հունվարի, 2022  14:22

Հայաստանում առողջության համապարփակ ապահովագրության համակարգի ներդրումը կարող է զուգակցվել ֆիզիկական անձանց եկամուտների պարտադիր հայտարարագրման համակարգի ներդրման հետ: Այս մասին լրագրողների հետ զրույցում ասաց փորձագետ, առողջության համապարփակ ապահովագրության ներդրման հայեցակարգի մշակման աշխատանքային խմբի անդամ Սամվել Խարազյանը:

Նրա խոսքով, առողջության  ապահովագրության համակարգի ներդրման եւ դրա սահուն աշխատանքի համար շատ կարեւոր է ճիշտ կազմակերպել անձանց նույնականացումը համակարգում:

«Պետք է նույնականացնենք բոլոր անձանց, ովքեր համակարգի շահառու են դառնալու», - նշեց փորձագետ:

Նրա խոսքով, խնդիրը բարդանում է նրանով, որ Հայաստանում չկա համակարգ, որը պարունակում է քաղաքացիների մասին ընդլայնված, ճշգրիտ տվյալներ:

«Գուցե այս համակարգի ներդրումը զուգակցվի ֆիզիկական անձանց եկամուտների պարտադիր հայտարարագրման համակարգի ներդրման հետ, որովհետեւ այս համակարգերի զուգակցումը մեզ հնարավորություն կտա ավելի ճիշտ գնահատել եկամուտներից որոշակի ապահովագրավճարների չափերի որոշումը», - նշեց փորձագետը:

Առողջության  ապահովագրության համակարգին անցումը ավելի սահուն իրականացնելու համար, նրա խոսքով, քայլեր են անհրաժեշտ, եւ դրանք Հայաստանում պետք է փուլ առ փուլ իրականացվեն:

Նշենք, որ Առողջության համապարփակ ապահովագրության համակարգի ներդրումը Հայաստանում նախատեսվում է սկսել 2023 թվականից, սակայն դա կախված է նաեւ առաջիկա քննարկումների արդյունքներից:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ամսական որքա՞ն եք պատրաստ վճարել բժշկական ապահովագրության համար։
Աշխատավարձի 7-10 տոկոսը
10 000 դրամ եւ ավելի
Մինչեւ 10 000 դրամ
Մինչեւ 5000 դրամ
Ոչ մի դրամ