• Latest news

Ամերիկացի գիտնականները մոտեցել են երեխաների մոտ վտանգավոր ուռուցքաբանական հիվանդությունների բուժմանը

20 հունվարի, 2022  20:48

Հակաքաղցկեղային հակամարմինների համակցությունը կարող է արդյունավետ լինել մանկական երկու ամենադժվար քաղցկեղների դեմ՝ նեյրոբլաստոմայի, որը խոցում է փոքր երեխաների նյարդային բջիջները, եւ օստեոսարկոմայի, որն ազդում է ոսկորների վրա:

Ինչպես նշում է Medportal.ru-ն, քաղցկեղի այս տեսակներով հիվանդների մեկ երրորդից մինչեւ կեսը կամ երբեք չեն արձագանքում քիմիաթերապիային, ճառագայթմանը եւ վիրահատությանը կամ արձագանքում են, բայց հետո ռեցիդիվի են բախվում: Այսօր այդպիսի հիվանդների մեծ մասը մահանում է

Սթենֆորդի համալսարանի բժշկական դպրոցի (ԱՄՆ) գիտնականների կողմից մկների վրա անցկացված հետազոտության համաձայն՝ հակաքաղցկեղային հակամարմինների համակցությունն արդյունավետ է մանկական այս երկու դժվար բուժվող քաղցկեղների բուժման համար:

Գիտնականները քաղցկեղով մկներին հակամարմիններ են ներարկեկ, որոնք ուղղված են քաղցկեղի բջիջների մակերեսի երկու տեսակի իմունային մարկերներին: Միասին հակամարմինները, որոնք կոչվում են anti-GD2 եւ anti-CD47, շատ ավելի արդյունավետ էին չարորակ բջիջների դեմ, քան առանձին:

Գիտնականները զարմանքով նկատել են, թե որքան լավ է աշխատում այս համակցությունը` հաշվի առնելով, որ այդ հակամարմինները բավականին վատ են գործում ինքնուրույն: Փորձի մեկնարկից 40 օր հետո նեյրոբլաստոմայով բոլոր մկները, որոնց առանձին հակամարմիններ էին ներարկվել, մահացե էին իրենց ուռուցքներից, իսկ այն բոլոր մկները, որոնք երկու հակամարմիններ էին ստացել, բուժվել են:

Այդպիսի թերապիան կանխել է նաեւ քաղցկեղի տարածումն օստեոսարկոմայով հիվանդ մկների մոտ։ Չնայած հակամարմինների համակցությունը որոշ չափով պակաս արդյունավետ էր օստեոսարկոմայի դեպքում, այն կանխել է քաղցկեղի տարածումը մկների թոքերում: Այդ բացահայտումը հուսադրող էր, քանի որ թոքերի մետաստազներն այդ հիվանդությամբ տառապող մարդկանց մահվան ամենահաճախակի պատճառն են:

Մկների վրա խոստումնալից արդյունքներին հաջորդել է հակամարմինների համակցության առաջին կլինիկական փորձարկումը: Դրան մասնակցում է մոտ 80 երեխա եւ երիտասարդ, ովքեր ռեցիդիվ նեյրոբլաստոմա ունեն կամ ում նեյրոբլաստոման երբեք չի արձագանքել բուժմանը, կամ ովքեր օստեոսարկոմայի ռեցիդիվ ունեն: Փորձն անցկացվում է ԱՄՆ 14 քաղցկեղային կենտրոններում:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Վստահու՞մ եք արդյոք ժողովրդական բժշկությանը։
Այո, գրեթե միշտ ժողովրդական բժշկությանն եմ դիմում։
Որոշ ճիշտ բաներ ժողովրդական բժշկության մեջ երեւի կան։
Ոչ, միայն գիտահեն բժշկությանն եմ վստահում։