• Latest news

Հարավային Սուդանում գրանցվել է խոլերայի՝ վերջին հինգ տարվա ընթացքում առաջին բռնկումը

9 մայիսի, 2022  14:39

Հարավային Սուդանում գրանցվել է խոլերայի՝ վերջին հինգ տարվա ընթացքում առաջին բռնկումը. մահացել է մեկ երեխա, վարակվել է ընդհանուր 31 մարդ, հայտնում է Medical Xpress-ը՝ վկայակոչելով տեղի առողջապահական մարմիններին։

Մահացել է յոթ տարեկան երեխա: Մյուս բոլոր վարակվածները բուժօգնություն են ստացել եւ դուրս են գրվել հիվանդանոցից, ասվում է հաղորդագրության մեջ։

Համավարակը հետեւել է տուժած տարածքներում փորլուծության դեպքերի կայուն աճին, ասվում է զեկույցում:
Սրանք խոլերայի առաջին դեպքերն են երկրում 2017 թվականի դեկտեմբերից ի վեր, երբ հիվանդությունը 436 մարդու կյանք էր խլել։

Խոլերան փորլուծության սուր ձեւ է, որը բուժվում է հակաբիոտիկներով եւ խոնավեցմամբ, բայց չբուժվելու դեպքում կարող է սպանել մի քանի ժամվա ընթացքում:

Այն առաջանում է մանրէից, որը սովորաբար փոխանցվում է վատ սանիտարական պայմանների պատճառով: Մարդիկ վարակվում են, երբ այս միկրոբը պարունակող սնունդ կամ ջուր են ընդունում:

2021-ի սկզբին Առողջապահության համաշխարհային կազմակերպությունը (ԱՀԿ) հայտարարել էր, որ աշխարհում ամեն տարի խոլերայի 1.3-ից 4 միլիոն դեպք է գրանցվում, ինչը հանգեցնում է 21.000-ից մինչեւ 143.000 մահվան:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է