Ինչո՞ւ որոշ մարդիկ երբեք չեն վարակվում կորոնավիրուսով

Կալիֆորնիայի Սան Դիեգոյի համալսարանի գիտնականները պարզում են, թե ինչու որոշ մարդիկ չեն վարակվում կորոնավիրուսով: Նրանք փոքրամասնություն են բնակչության մեջ, սակայն այս երեւույթը բացատրության կարիք ունի, գրում է «Մեդիկ Ֆորում»-ը:

Աշխարհի գիտնականներն այժմ ակտիվորեն ուսումնասիրում են նրանց, ովքեր այս վարակին չեն բախվել, հատկապես այն մարդկանց, ովքեր այնքան էլ չեն պաշտպանվել: Գիտնականները ցանկանում են հասկանալ, թե ինչն է նրանց օրգանիզմին այդպիսի իմունիտետ տալիս, արդյոք դա հազվագյուտ գենետիկ տարբերակ է, թե՞ պարզապես անհավանական հաջողակություն: Հետազոտության հեղինակները համոզված են, որ կան մարդիկ, որոնց գրեթե հաստատ չեն վարակվի կորոնավիրուսով, բայց դեռ պարզ չէ, թե ինչու։

Եթե ​ այդ պատճառը պարզվի, ապա այն կարող է հիմք ծառայել դեղամիջոցների համար, որոնք կրկնում են մարդու օրգանիզմի հենց այն առանձնահատկությունը, որը բնական կերպով պաշտպանված է կորոնավիրուսից։ Հատկապես, որ կան մարդիկ, որոնց գրեթե երաշխավորված չեն վարակվում ՄԻԱՎ-ով, Ալցհեյմերի կամ Պարկինսոնի հիվանդությամբ։ ՄԻԱՎ վարակի նկատմամբ բնական դիմադրություն կա, եւ երբ դրա պատճառները բացահայտվեցին, դեղագործական ընկերությունները դեղամիջոցներ ստեղծեցին, որոնք ուղղված էին հենց այն կոնկրետ մոլեկուլին, որը պաշտպանում էր մարդկանց ՄԻԱՎ-ից:

Պարզելը, թե ինչու են որոշ մարդիկ բնական կերպով պաշտպանված այս կամ այն հիվանդությունից, շատ օգտակար է: Եւ երբ հետազոտողները ստանան հետաքրքրող հարցի պատասխանը, մարդկությունը մեկ քայլով կմոտենա համավարակի հաղթահարմանը։
 

Հետևեք NEWS.am Medicine-ին Facebook-ում և Twitter-ում