• Latest news

Գիտնականներն ուսումնասիրում են գենային թերապիայի առավելությունները ողնուղեղի վնասվածքներից ցավի մեղմման համար

16 մայիսի, 2022  15:37

Ողնուղեղի ցավի գենային թերապիան խոստումնալից արդյունքներ է ցույց տալիս մկների վրա իրականացված փորձարկումներում, հայտարարում են գիտնականները:

Ողնուղեղի վնասվածքներով հիվանդների մոտ կեսը տառապում է նյարդաբանությունից՝ նյարդերի աշխատանքի վնասման կամ խանգարման հետեւանքով քրոնիկ կամ հյուծող ցավից, ծակոցներից, թմրածությունից կամ մկանային թուլությունից:

Նեյրոպաթիայի բուժումը կարող է դժվար լինել: Դեղորայքը հաճախ բարդ, շարունակական ընդունում  է պահանջում եւ կարող է կողմնակի բարդություններ առաջացնել, ինչպիսիք են սեդատիվ էֆեկտը եւ շարժական թուլությունը: Հետազոտողները բացատրում են, որ դեղատոմսային ափիոնային ցավազրկողները կարող են արդյունավետ լինել, բայց կարող են նաեւ տոլերանտության եւ չարաշահումների ռիսկի բարձրացման հանգեցնել:

Այս հետազոտության մեջ փորձարկված գենային թերապիան անվնաս վիրուսի ներարկում է ներառում, որը երկու տրանսգեն է կրում՝ GAD65 եւ VGAT, որոնք կոդավորում են գամմա-ամինաբուտիրաթթուն՝ նյարդային հաղորդիչ, որը արգելափակում է ցավի ազդանշանները նյարդային բջիջների միջեւ:

Բուժումը փորձարկվել է նստուկի նյարդի ախտահարումներով մկների վրա, որոնք ուժեղ նեյրոպաթիկ ցավ են առաջացրել եւ ցավային ազդանշանները փոխանցող նեյրոնների զգալի նվազեցման են հանգեցրել: Էֆեկտը պահպանվել է բուժումից հետո առնվազն 2.5 ամիս, գրում է UPI-ն։

Քանի որ թերապիան ուղղված էր մկների նստուկի նյարդի վնասվածքի կոնկրետ տեղին, կողմնակի ազդեցություններ չեն հայտնաբերվել, նշում են հետազոտության հեղինակները:

«Կլինիկորեն ընդունելի հակասեպտիկ [ցավն արգելափակող] թերապիայի նախապայմաններից մեկն այն է, որ կողմնակի ազդեցությունները նվազագույն են կամ բացակայում են, ինչպիսիք են մկանային թուլությունը, ընդհանուր հանգստացնող միջոցը կամ բուժման նկատմամբ տոլերանտության զարգացումը»,- պարզաբանել է հետազոտության ավագ հեղինակ, Սան Դիեգոյում Կալիֆորնիայի համալսարանի բժշկական ֆակուլտետի անեսթեզիոլոգիայի ամբիոնի պրոֆեսոր, դոկտոր Մարտին Մարսալան:

Ընդ որում, գիտնականները նշում են, որ կենդանիների վրա արված ուսումնասիրությունները միշտ չէ, որ նույն էֆեկտն են ունենում մարդկանց դեպքում:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է