• Latest news

Գերմանիայում ցմահ ազատազրկման են դատապարտել հիվանդների մահվան պատճառ դարձած կեղծ բժշկին

26 մայիսի, 2022  13:44

Գերմանիայում դատարանը ցմահ բանտարկության է դատապարտել մի կնոջ, ով որպես բժիշկ է ներկայացել եւ մի քանի մարդու մահվան պատճառ է դարձել:

Կասելի շրջանային դատարանը հայտնել է, որ 51-ամյա կինը կեղծ լիցենզիա է օգտագործել՝ որպես անեսթեզիոլոգ աշխատելու համար:

Պարզվել է, որ երեք հիվանդ մահացել է նրա բուժման սխալների հետեւանքով, իսկ մյուսներին լուրջ վնաս է հասցվել, հայտնում է գերմանական dpa գործակալությունը։ Կինը դատապարտվել է երեք սպանության եւ 10 սպանության փորձի համար:

Դատախազությունը կնոջը մեղադրել է նրանում, որ վերջինս սխալ դեղաչափեր է նշանակել եւ չի կարողացել բուժել արյան վարակումը հիվանդի մոտ։ Նաեւ պնդում են, որ նա պատասխանատու է բազմաթիվ ժամերով թթվածնային սովի, սրտանոթային համակարգի վնասման եւ հիվանդների օրգանների անբավարարության համար, հայտնում է dpa-ն։

2015-2018 թթ Ֆրիցլարի հիվանդանոցում աշխատելուց հետո կինը տեղափոխվել է Գերմանիայի հյուսիսում գտնվող մի կլինիկա: Տարածաշրջանային բուժմիավորման ներկայացուցիչներն ուշադրություն են դարձրել նրա գրանցումների անհամապատասխանության վրա, եւ ի վերջո նա հանձնվել է ոստիկանությանը՝ աշխատանքի ընդունվելիս խարդախության համար։

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է