• Latest news

Ատամների իմպլանտացիայի մասին հայտնի առասպելները հերքվել են

4 հունիսի, 2022  17:44

Ատամնաբույժ Անտոն Խմարենկոն մեկնաբանել է իմպլանտների մասին ամենատարածված առասպելները եւ պատասխանել այն հարցին, թե արդյոք դրանք իսկապես խախտում են առոգանությունը, գրում է МедикФорум-ը։

Ավաղ, բնական կատարյալ ժպիտը ոչ բոլորին է տրված: Իմպլանտները կարող են լուծել ատամների եւ ատամնանստվածքի շտկման հետ կապված բազմաթիվ խնդիրներ, սակայն ոմանք չեն համարձակվում այդ պրոցեդուրային՝ դրա մասին գոյություն ունեցող առասպելների եւ վախերի պատճառով:

Օրինակ, ասում են, որ իմպլանտներ տեղադրելուց առաջ մի ամբողջ ամիս չի կարելի ծխել։ Ատամնաբույժն ընդգծել է, որ բավական է միայն պրոցեդուրաների օրը հրաժարվել ծխելուց։

«Հանրաճանաչ առասպել է, որ իմպլանտներ չի կարելի դնել պարոդոնտիտի դեպքում: Ոչ, եթե դուք ունեք պարոդոնտիտ, ապա դուք պետք է բուժեք այն: Եվ տեղադրեք իմպլանտներ: Գլխավորը ոսկորի վիճակն է»,- ասել է նա։

Շաքարային դիաբետով մարդիկ վախենում են իմպլանտներ տեղադրել։ Նրանց կարծիքով, իբր իմպլանտը չի հարմարվի։ Մասնագետի խոսքով՝ փոխհատուցվող շաքարախտը խոչընդոտ չէ իմպլանտի տեղադրման համար։

Շատերն են անհանգստանում, որ իմպլանտների տեղադրումը խախտում է առոգանությունը, արհեստական ատամները կխանգարեն։ Այս դեպքում բժիշկն ասում է, որ իմպլանտները ոչ մի ընդհանուր բան չունեն շարժական պրոթեզների հետ, որոնք իսկապես կարող են խնդիրներ առաջացնել տեղադրելուց անմիջապես հետո։

 

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Ամսական որքա՞ն եք պատրաստ վճարել բժշկական ապահովագրության համար։
Աշխատավարձի 7-10 տոկոսը
10 000 դրամ եւ ավելի
Մինչեւ 10 000 դրամ
Մինչեւ 5000 դրամ
Ոչ մի դրամ