Երիկամների փոխպատվաստման նոր մոտեցումը կարող է վերացնել իմունոսուպրեսիայի անհրաժեշտությունն ամբողջ կյանքի ընթացքում

Կալիֆորնիայում երիկամների փոխպատվաստման վիրահատության ենթարկվող երեք երեխա, ըստ շրջադարձային հետազոտության, ամենայն հավանականությամբ, կարող են այլեւս իմունիտետը ճնշող դեղամիջոցների կարիք չունենալ՝  շնորհիվ նորարարական տեխնիկայի, որը վերացնում է մինչեւ կյանքի վերջ իմունոսուպրեսիայի անհրաժեշտությունը, վկայում են սկզբունքորեն նոր հետազոտության արդյունքները:

Սթենֆորդի բժշկական ինստիտուտի գիտնականները մանրամասն նկարագրել են այդ դեպքերը New England Journal of Medicine ամսագրում։ Բոլոր երեք փոքրիկ հիվանդները տառապում էին չափազանց հազվադեպ գենետիկական հիվանդությամբ, որը կոչվում է Շիմկեի իմունային ոսկրային դիսպլազիա, որը հաճախ ոչնչացնում է վարակի դեմ պայքարելու մարդու կարողությունը եւ երիկամների անբավարարության է հանգեցնում: Յուրաքանչյուր դեպքում ծնողներից մեկը նվիրաբերել է ոսկրածուծից վերցված ցողունային բջիջներ, ինչպես նաեւ՝ երիկամը:

Փոխպատվաստումից մոտ երեք տարի անց երեխաների երիկամների ֆունկցիան եւ իմունային համակարգը վերադարձել են նորմի: Այս մեթոդը, որը կոչվում է կրկնակի իմունային պինդ օրգանների փոխպատվաստում, ցողունային բջիջների փոխպատվաստում է ներառում, որը մարզում է իմունային համակարգը, որպեսզի այն չմերժի դոնորային  երիկամը:

Թեեւ օրգանների փոխպատվաստումը հեղափոխել է բժշկությունը՝ թույլ տալով հիվանդներին շատ ավելի երկար ապրել, քան նրանք կարող էին հակառակ դեպքում, այն կապված է օրգանների մերժման լուրջ եւ պոտենցիալ մահացու սպառնալիքի հետ:

Ստացողները սովորաբար պետք է դեղեր ընդունեն իմունային համակարգը ճնշելու համար՝ այնքան ժամանակ, քանի դեռ ունեն դոնորային օրգանը: Այդ դեղամիջոցները մեծացնում են այնպիսի լուրջ խնդիրների վտանգը, ինչպիսիք են արյան բարձր ճնշումը, քաղցկեղը եւ վարակները՝ բավականին լուրջ՝ ոսպիտալացում պահանջելու համար:

Աշխարհի այլ մասերում Շիմկեի իմունային ոսկրային դիսպլազիա ունեցող հինգ երեխայի ավելի վաղ կրկնակի իմունային/պինդ օրգանների փոխպատվաստում է կատարվել: Բայց նրանցից չորսը մահացել են՝ օրգանիզմի կողմից օրգանը չընդունելու կամ դեղամիջոցների ուժեղ թունավորումից, որոնք անհրաժեշտ էին փոխպատվաստումից առաջ իմունային համակարգը ճնշելու համար:

Սթենֆորդի երիտասարդ հիվանդները ցողունային բջիջների փոխպատվաստումից առաջ քիմիոթերապիայի, ճառագայթման եւ այլ իմունոպրեսիվ դեղամիջոցների համեմատաբար համանման պրոցես են անցել, որպեսզի նրանց օրգանիզմը նոր բջիջներն ընդունելու ավելի լավ հնարավորություն ունենա:

Հետևեք NEWS.am Medicine-ին Facebook-ում և Twitter-ում