«Շերեմետեւո» միջազգային օդանավակայանի բժշկասանիտարական բաժանմունքի գլխավոր բժիշկ Սերգեյ Վոլգան ասել է, որ ինքնաթիռով թռչելուց առաջ պետք է հրաժարվել սուրճից եւ ալկոհոլից։ Ի թիվս այլ բաների, անհրաժեշտ է շատ ջուր խմել, գրում է RIA.ru-ն։
Նրա խոսքով՝ այդ միջոցները պետք է ձեռնարկվեն, որպեսզի փոխհատուցվի ջրազրկումը, որը տեղի է ունենում թռիչքի ժամանակ։
«Միեւնույն ժամանակ թռիչքի համար հատուկ նախապատրաստություն չի պահանջվում։ Բայց դուք կօգնեք օրգանիզմին, եթե լավ քնեք, բացառեք ալկոհոլը եւ մեծ քանակությամբ սուրճը թռիչքի նախօրեին։ Ի թիվս այլ բաների, կարելի է բացառել այն մթերքները, որոնք գազեր են առաջացնում: Թռիչքից առաջ անհրաժեշտ է խմել ոչ գազավորված ջուր», - հավելել է Վոլգան։
Մասնագետը հավելել է, որ թռիչքի ժամանակ երակների վարիկոզով տառապողներին խորհուրդ է տրվում կոմպրեսիոն տրիկոտաժ կրել։ Դա անհրաժեշտ է հիվանդության սրացումը կանխարգելելու համար։
Հետևեք NEWS.am Medicine-ին Facebook-ում և Twitter-ում
ամիս
շաբաթ
օր