• Latest news

Հիշողությունը բարելավելու լավագույն ուղիները

26 հունիսի, 2022  21:44

Նյարդահոգեբույժ դոկտոր Ռեզա Հոսեյնի Գոմին Eat This, Not That ամսագրի համար գրված հոդվածում խոսել է նեյրոդեգեներատիվ հիվանդությունների պատճառով առաջացած հիշողության կորստի մասին եւ, հիշողությունը բարելավելու համար, մի շարք խորհուրդներ տվել:

Ստորեւ ներկայացնում ենք բժշկի առանձնացրած խորհուրդները.

  • Առաջինը ֆիզիկական վարժություններ են, որոնց ընթացքում սրտի զարկերը հասնում են րոպեում 120-ից 140-ի, ինչի շնորհիվ էլ ակտիվանում է արյան շրջանառությունը ողջ մարմնում:
  • Երկրորդ խորհուրդը դիետան(սննդակարգ) է: Այն, ինչ մենք ուտում ենք, կարող է մեծ ազդեցություն ունենալ: Սննդակարգը կարող է ազդել հիվանդությունների առաջացման կամ կանխման վրա: Այս հարցում մասնագետը խորհուրդ է տալիս ընտրել սնվելու մեկ առողջ սովորություն, ինչպիսին շաքարի բացառումն է, եւ մի քանի ամսում օրգանիզմը դրական արդյունքներ կգրանցի:
  • Երրորդը վերաբերում է սոցիալական փոխգործակցությանը: Տարիքի հետ մենք բոլորս դառնում ենք ավելի ինտրովերտ, ինչը, ըստ հետազոտությունների, վնասում է մեր ուղեղի աշխատանքին: Սոցիալական մեկուսացումը կարող է արագացնել հիշողության կորուստը եւ կտրուկ նվազեցնել մեր կյանքի որակը:
  • Եվ վերջում՝ պետք է վերացնել նյարդահոգեբուժական ցանկացած ախտանիշ: Դրանք ներառում են ընկճվածություն, անհանգստություն կամ քնի հետ կապված խնդիրներ: Այն նաև ներառում է ավելի ծանր ախտանիշներ, ինչպիսիք են պարանոյան կամ հալյուցինացիաները: Ձեր մտքի հետ կապված ցանկացած բան, որը կարող է ազդել ձեր առօրյա կյանքի վրա, պետք է քննարկվի ձեր բժշկի հետ:

Հետևեք NEWS.am Medicine-ին Facebook-ում և Twitter-ում


  • Այս թեմայով
 
  • Տեսանյութեր
 
 
  • Իրադարձությունների օրացույց
 
 
  • Արխիվ