• Latest news

Որքանո՞վ է օդորակիչը վտանգավոր առողջության համար

26 հունիսի, 2022  23:21

Ջերմաստիճանի տատանումները, որոնք տեղի են ունենում սենյակներում առկա օդորակիչների աշխատանքի հետեւանքով, կարող են հանգեցնել միոզիտի (մկանների բորբոքում), տոնզիլիտի (վերին շնչառական ուղիների հիվանդություն) եւ Ծանր ընթացքով սուր շնչառական համախտանիշների (SARS) զարգացման: Այս մասին URA.RU-ին տված հարցազրույցի ընթացքում ասել է ՌԴ-ում գործող Atlas կլինիկաների ցանցի թերապեւտ Օլգա Ալեքսանդրովան:

«Բավական տարածված է արգանդի վզիկի միոզիտը, որը պարանոցի մկանների հիպոթերմիայի հետեւանք է։ Արդյունքում առաջանում է մկանային սպազմ, որն ուժգին ցավ է առացանում, իսկ շարժման ընթացքում` ուժեղանում է։ Ցանկացած տեսակի միոզիտի բուժումը համատեղում է դեղամիջոցները ֆիզիոթերապիայի հետ»,- նշել է մասնագետը։

Ըստ բժշկի՝ ջերմաստիճանի տատանումները, երբ օդորակիչի աշխատանքով պայմանավորված սենյակը զով է, իսկ դրսում՝ շոգ, բացասաբար են անդրադառնում իմունային համակարգի վրա եւ մարմինը վարակների նկատմամբ ավելի զգայուն է դառնում։

«Օդորակիչի աշխատանքից կարելի է պարզապես մրսել կամ կոկորդի ցավ ունենալ, քանի որ կոկորդը շատ զգայուն է ջերմաստիճանի փոփոխության նկատմամբ»,- բացատրել է թերապեւտը`հավելելով, որ օդորակիչը շրջանառում է սենյակում առկա օդը, ինչի հետեւանքով Ծանր ընթացքով սուր շնչառական համախտանիշ ունեցող անձի ներկայությամբ բակտերիաները կարող են տարածվել`վարակելով մյուսներին:

Հետևեք NEWS.am Medicine-ին Facebook-ում և Twitter-ում


  • Այս թեմայով
 
  • Տեսանյութեր
 
 
  • Իրադարձությունների օրացույց
 
 
  • Արխիվ