• Latest news

Չինացի գիտնականը բերանի խոռոչի քաղցկեղի կանխատեսման մեթոդ է մշակել արհեստական ​​ինտելեկտի հիման վրա

27 հունիսի, 2022  23:35

Չինացի գիտնական Ջոն Ադեոյեն Հոնկոնգի համալսարանից հետազոտություն է անցկացրել, որի նպատակն էր մեքենայական ուսուցման վրա (արհեստական ​​ինտելեկտի մեթոդների դաս) հիմնված հարթակ ստեղծել՝ բերանի խոռոչի քաղցկեղի եւ բերանի խոռոչի պոտենցիալ չարորակ հիվանդությունների զարգացման ռիսկի կանխատեսման համար, գրում է News Medical Life Sciences-ը։

Բերանի խոռոչի տեսողական հետազոտություն է իրականացվել հետազոտության 1467 մասնակիցների շրջանում: Յուրաքանչյուր անձի կարգավիճակը որպես դրական/բացասական է սահմանվել բերանի խոռոչի քաղցկեղի դեպքում, իսկ դրական կարգավիճակի համար էպիթելային դիսպլազիայի եւ հարթբջջային կարցինոմայի հիստոլոգիական հաստատում է կատարվել:

Բացասական սքրինինգ անցածների վիճակին հետեւում էին էլեկտրոնային բժշկական քարտերի միջոցով: Տեղեկություն էր ստացվել ժողովրդագրության, սովորությունների, ապրելակերպի եւ ընտանեկան ռիսկի գործոնների մասին, իսկ արտաշնչվող օդում ածխածնի մոնօքսիդի մակարդակը (ppm-ով) գնահատվել է մոնիտորի օգնությամբ:

Հետազոտությունը ցույց է տվել, որ մեքենայական ուսուցումը հաջող գործիք է բերանի խոռոչի քաղցկեղի ռիսկի կանխատեսման համար եւ կարող է կիրառվել սկրինինգի ժամանակ «ռիսկի խմբերի» բացահայտման համար:

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է