• Latest news

Որո՞նք են աղի ավելորդ օգտագործման նշանները

28 հունիսի, 2022  10:29

Աղի չափազանց շատ օգտագործման դեպքում մարդը կարող է ծարավ, հոգնածություն, աշխատունակության անկում զգալ եւ քաշ հավաքել, «Մոսկվա 24»-ին ասել է սննդաբան Ելենա Սոլոմատինան:

Մասնագետի խոսքով՝ երբ մարդը շատ աղի սննունդ է ուտում, նրա արյունը թանձրանում է եւ ավելի վատ է հոսում։ Այն վատ է սնուցում ուղեղը, սիրտը, ինչը հոգնածություն եւ թուլություն է առաջացնում:

«Դա կարող է դրսեւորվել աշխատունակության կորստով, դյուրագրգռությամբ, նորմալ կենտրոնանալու անկարողությամբ։ Մարդը կարող է այդ ամենը վերագրել սթրեսին, հոգնածությանը՝ ամեն ինչին, բայց, ըստ էության, դա աղի պատճառով է»,- նշել է սննդաբանը։

Բացի այդ, հեղուկի պահպանման պատճառով արյան ճնշումը բարձրանում է։ Արյունը պակաս թանձր դարձնելու համար օրգանիզմը մարդուն ազդանշան է ուղարկում եւ նա ուզում է ջուր խմել, բացատրել է փորձագետը։ Այսպիսով, աղի ավելցուկը քաշի ավելացման է հանգեցնում՝ հեղուկի կուտակման ժամանակ առաջացող այտուցների պատճառով, պարզաբանեց սննդաբանը։

Առողջապահության համաշխարհային կազմակերպության (ԱՀԿ) առաջարկությունների համաձայն՝ պետք է օրական առավելագույնը հինգ գրամ աղ ուտել։ Ինչ վերաբերում է հիպերտոնիկ հիվանդներին, ապա նրանց օրական նորմն ավելի քիչ է՝ երեք գրամ։ Ընդ որում, սննդաբանը հիշեցրել է, որ արժե հաշվի առնել ոչ միայն մաքուր տեսքով աղը, այլեւ դրա թաքնված պարունակությամբ մթերքները՝ երշիկեղենը, սոուսները եւ նույնիսկ հացը։

Հետևեք NEWS.am Medicine-ին Facebook-ում և Twitter-ում


  • Այս թեմայով
 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է