• Latest news

Թաթարստանում ուռուցքաբանները հեռացրել են պացիենտի 6 կիլոգրամանոց ուռուցքը

4 հուլիսի, 2022  13:19

Նաբերեժնիե Չելնիում №2 քաղաքային հիվանդանոցի ուռուցքաբանները հեռացրել են 45-ամյա կնոջ վեց կիլոգրամ կշռող ուռուցքը, հայտնում է Татарстан24-ը։

Երկար ժամանակ կինը մարմնի փոփոխությունները քաշի ավելացմանն է վերագրել: Սակայն կես տարի անց նկատելիորեն մեծացած փորն անտեսելն անհնար է դարձել, եւ կինը դիմել է պոլիկլինիկա։

Ուլտրաձայնային հետազոտության ժամանակ բժիշկները հայտնաբերել են հսկայական ուռուցք, որը սեղմել է մոտակա օրգանները։ Անմիջապես որոշում է կայացվել նորագոյացությունը վիրահատական ​​ճանապարհով հեռացնելու մասին։

«Ուռուցքի աղբյուրը հնարավոր է եղել որոշել միայն վիրահատության ժամանակ։ Չարորակ նորագոյացությունն առաջացել է արգանդի մարմնից, աճել է մինչեւ որովայնի առաջնային պատ եւ բարակ աղիքի օղակներ։ Բացի ուռուցքից, ստիպված եղանք հեռացնել պացիենտի բոլոր սեռական օրգանները»,- բացատրել է ուռուցքաբան Թիմուր Յամաեւը:

Բժիշկները փրկել են հիվանդի կյանքը, սակայն նա չի հասցրել երեխաներ ունենալ եւ այլեւս նման հնարավորություն չի ունենա։ Իսկապես փայլուն աշխատանք է իրականացվել՝ հաշվի առնելով ուռուցքի չափը, որը կարելի է համեմատել լրիվ ժամկետով բազմապտուղ հղիության հետ։


Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը
 
  • Հետեվեք մեզ Ֆեյսբուքում
 
  • Հարցում
Ամսական որքա՞ն եք պատրաստ վճարել բժշկական ապահովագրության համար։
Աշխատավարձի 7-10 տոկոսը
10 000 դրամ եւ ավելի
Մինչեւ 10 000 դրամ
Մինչեւ 5000 դրամ
Ոչ մի դրամ