• Latest news

Ինչո՞ւ չի կարելի շոգին դեմքի սկրաբ օգտագործել

5 հուլիսի, 2022  22:39

Շոգին պետք է ձեռնպահ մնալ դեմքի ագրեսիվ կոսմետիկ պրոցեդուրաներից, քանի որ դրանք կարող են վնասել մաշկը եւ հանգեցնել բորբոքային պրոցեսի, ինչն իր հերթին կարող է երկաթե տիզի (Demodex) ինտենսիվ բազմացում հրահրել, քաղաքային նորությունների «Մոսկվա» գործակալությանն ասել է մաշկաբան Նատալյա Մերկուլովան։

«Դեմոդեկոզը առաջանում է Demodex տեսակի տիզերի ինտենսիվ բազմացման պատճառով, որը մաշկի պայմանական-պաթոգեն ֆլորա է: Սիրված տեղայնացումը դեմքի մաշկն է՝ հարուստ ճարպագեղձերով։ Ազդեցության այնպիսի գործոնների պայմաններում, ինչպիսին շոգն է, «հորմոնալ» քսուքների օգտագործումը, իմունիտետի նվազումը, առաջանում է մաշկի բորբոքում եւ դեմոդեքսի բազմացում։ Գենետիկ հակվածությունը նույնպես կարեւոր է»,- ասել է Մերկուլովան:

Մասնագետի խոսքով՝ դեմոդիկոզի զարգացման ռիսկի գոտում են ինչպես կանայք, այնպես էլ տղամարդիկ՝ առավել հաճախ միջին տարիքի եւ բաց մաշկ ունեցողները։

Որպես կանխարգելիչ միջոց՝ փորձագետը խորհուրդ է տվել ավելի քիչ ժամանակ անցկացնել արեւի տակ, փողոց դուրս գալ առավոտյան եւ երեկոյան ժամերին, ինչպես նաեւ ամռանը չանել ագրեսիվ կոսմետիկ պրոցեդուրաներ՝ դեմքի մեխանիկական մաքրում, պիլինգ, ֆոտոթերապիա, ջերմաակտիվ դիմակներ, սկրաբով մաքրում։

«Սադրիչ գործոններ են նաեւ ալկոհոլի եւ կծու սննդի օգտագործումը»,- հավելել է Մերկուլովան:

Մաշկի վրա ցանկացած ցանի դեպքում անհրաժեշտ է խորհրդատվություն ստանալ մաշկավեներոլոգից, եզրափակել է մասնագետը։

Հետևեք NEWS.am Medicine-ին Facebook-ում և Twitter-ում


  • Այս թեմայով
 
  • Տեսանյութեր
 
 
  • Իրադարձությունների օրացույց
 
 
  • Արխիվ