• Latest news

Ստեղծվել է նոր իմպլանտ, որը կարող է պայքարել գլաուկոմայի եւ կատարակտի դեմ

7 հուլիսի, 2022  16:38

Բժիշկները գնալով ավելի շատ են օգտագործում իմպլանտների նոր տեսակը, որը կարող է արդյունավետորեն պայքարել ոչ միայն գլաուկոմայի, այլեւ կատարակտի դեմ: Դրանք հասարակ պրոցեդուրայի միջոցով կարելի է անմիջապես տեղադրվել երկու աչքերում էլ, գրում է «МедикФорум»-ը։

Գլաուկոման առաջանում է, երբ տեսողական նյարդը, որը վիզուալ տեղեկատվություն է փոխանցում աչքի հետեւի մասից դեպի ուղեղ, վնասվում է՝ աչքը առողջ պահող հեղուկի կուտակման պատճառով:

Աչքի տարածքից հեղուկը պատշաճ կերպով չի հեռանում, ինչը հանգեցնում է ներակնային ճնշման բարձրացման եւ տեսողական նյարդի սեղմման։

Այս պացիենտներին օգնության է եկել ներակնային ճնշումը նվազեցնելու նոր իմպլանտը։ Ունենալով 5 մմ երկարություն, 0,6 մմ հաստություն, այն պատրաստված է ճկուն բժշկական սիլիկոնից՝ հազարավոր փոքրիկ անցքերով, որոնք թույլ են տալիս խոնավությանը ազատորեն դուրս հոսել: Կարիք չկա ստեղծել նոր ուղիներ, ինչպես տրաբեկուլէկտոմիայի դեպքում, փոխարենը իմպլանտը հեղուկը վերաուղղում է աչքի մեկ այլ գոյություն ունեցող դրենաժային ցանցի մեջ, որը կոչվում է supraciliary եւ suprachoroidal տարածություն:

Իմպլանտը կարող է տեղադրվել տեղային անզգայացման տակ, ընդ որում՝ կատարվում են ինչպես առանձին վիրահատություններ, այնպես էլ կատարակտի հեռացման համատեղ պրոցեդուրաներ: Չէ որ շատ տարեց մարդկանց մոտ գլաուկոման զարգանում է կատարակտի հետ միաժամանակ: Վիրահատությունները տեւում են 30 րոպեից քիչ եւ ունեն ռիսկի ցածր աստիճան:

 

Հետևեք NEWS.am Medicine-ին Facebook-ում և Twitter-ում


 
  • Տեսանյութեր
 
 
  • Իրադարձությունների օրացույց
 
 
  • Արխիվ
 
  • Ամենաընթերցվածը

ամիս

շաբաթ

օր

 
  • Հետեվեք մեզ Ֆեյսբուքում
 
  • Հարցում
Տեղյա՞կ եք արդյոք, որ 2027թ.–ից ՀՀ բոլոր քաղաքացիների համար պարտադիր է դառնալու բժշկական ապահովագրությունը
Տեղյակ եմ եւ կողմ եմ
Տեղյակ եմ եւ դեմ եմ
Տեղյակ եմ, դեռեւս չեմ կողմնորոշվում
Տեղյակ չեմ, բայց սկզբունքորեն կողմ եմ
Տեղյակ չեմ, բայց սկզբունքորեն դեմ եմ
Ինձ համար միեւնույն է