Ինչպիսի նախաճաշն է նվազեցնում արյան մեջ շաքարի մակարդակը

Թեեւ կարող եք չգիտակցել, բայց նախաճաշի ժամանակ դուք ընդունում եք փոքրիկ որոշումներ՝ սկսած նրանից ձվածեղ եք ուզում, թե խաշած ձու, մինչեւ թեյ եք ուզում, թե սուրճ: Բայց եթե ունեք շաքարախտ կամ նախաշաքարախտ, ապա առավոտյան ուտելը պահանջում է ավելի շատ որոշումների կայացում, քանի որ ընտրում եք լավագույն տարբերակը արյան շաքարի ձեր մակարդակի համար: Այդ դեպքում նախաճաշին կենտրոնացեք բջջանյութի վրա, Eat This, Not That!-ի իր հոդվածում խորհուրդ է տալիս սննդաբան Սառա Գարոնը։

Քանի որ օրգանիզմը չի յուրացնում կամ քայքայում բջջանյութը, ինչպես մյուս ածխաջրերը, այս մակրոէլեմենտը չի բարձրացնի եւ չի իջեցնի գլյուկոզայի մակարդակը, նշում է մասնագետը:

Ավելին, ըստ 2018-ին Journal of Nutrition ամսագրում հրապարակված հետազոտության, չլուծվող հացահատիկային սննդային մանրաթելերի (օրինակ՝ ամբողջական ցորենի) բարձր պարունակությամբ դիետաները կարող են առաջին հերթին զգալիորեն նվազեցնել շաքարախտի զարգացման ռիսկը:

Այլ հետազոտություններ փորձել են առանձնացնել լուծվող եւ չլուծվող բջջանյութի հազվագյուտ ազդեցությունը արյան մեջ շաքարի մակարդակի վրա: 2021 թվականին անցկացված 22 հետազոտությունների մետա-վերլուծությունը ցույց է տվել, որ վարսակի, ավոկադոյի, սեւ լոբու եւ բրյուսելյան կաղամբի մեջ պարունակվող լուծվող մանրաթելերը հատկապես արդյունավետ են բարելավում 2-րդ տիպի շաքարախտ ունեցող մարդկանց մոտ գլիկեմիկ հսկողությունը եւ ինսուլինի դիմադրությունը: Այնուամենայնիվ, ձեր նախաճաշում ներառեք բջջանյութով հարուստ ցանկացած մթերք:

«Բջջանյութով հարուստ ուտեստով ձեր օրը լավ սկսելու համար զարդարեք ամբողջահատիկային տարբերակները՝ ամբողջական հացահատիկի տոստը, հնդկացորենի վաֆլիները կամ վարսակը, համեղ հավելումներով, օրինակ՝ հատապտուղներով, ընկույզի կարագով կամ ավոկադոյի կտորներով»,- խորհուրդ է տալիս Գարոնը:

Մի սահմանափակվեք վարսակի շիլայով. կան բազմաթիվ այլ գաղափարներ բջջանյութի հարուստ պարունակությամբ նախաճաշի համար՝ սկսած բանջարեղենի տեսականուց մինչեւ սեւ լոբով ձվածեղը: Ինչպիսին էլ լինեն ձեր նախասիրությունները, ամեն առավոտ խոհանոց գնալիս մտածեք, թե ինչին կարող եք բջջանյութ ավելացնել:

Հետևեք NEWS.am Medicine-ին Facebook-ում և Twitter-ում